බලශක්ති අමාත්ය ධූරයෙන් ඉල්ලා අස්වූ කුමාර ජයකොඩි මහතාට පාර්ලිමේන්තුවේ ආණ්ඩු පක්ෂයේ පසුපෙළ අසුනක් හිමිවනු ඇතැයි පාර්ලිමේන්තු ආරංචි මාර්ගවලින් වාර්තා වේ.
අමාත්ය ධූරයෙන් ඉවත්වීම නිල වශයෙන් දැනුම් දුන් වහා අදාල අසුන් පැනවීම කරන බව ද පැවසේ.
කුමාර ජයකොඩි මහතා බලශක්ති අමාත්ය ධූරයෙන් පසුගිය 17 සිකුරාදා ඉල්ලා අස්විය.
ඒ ගල්අඟුරු ගනුදෙනු සම්බන්ධයෙන් පැවැත්වෙන ජනාධිපති කොමිසමේ විමර්ශන කටයුතු ස්වාධීන ලෙස පැවැත්වීමට ඉඩ ප්රස්ථාව සලසා දීම සඳහා බව ඔහු සිය ඉල්ලා අස්වීමේ ලිපියෙන් කියා තිබිණි.
කුමාර ජයකොඩි මහතා පාර්ලිමේන්තුවට පත් වූයේ ජාතික ජන බලවේගයේ ජාතික ලැයිස්තුවෙනි බලශක්ති අමාත්යවරයා සමග එම අමාත්යාංශයේ ලේකම්වරයාද පසුගිය සිකුරාදා ඉල්ලා අස්විය.
📌සබැඳි පුවත්
Saru News
