බස්නාහිර පළාත් උතුර අපරාධ කොට්ඨාසයේ හිටපු ස්ථානාධිපතිවරයා ඇතුළු නිලධාරීන් හත්දෙනකුට විදේශගතවීම වළකාලමින් ගම්පහ ප්රධාන මහේස්ත්රාත් බන්ධුල ගුණරත්න මහතා විදේශ ගමන් තහනම් නියෝගයක් නිකුත් කළේය.
ඒ විදේශ රටවල සැඟව සිටින මත්ද්රව්ය ජාවාරම්කරුවන් සමඟ එක්ව මත්ද්රව්ය ජාවාරම් කරන බවට ලැබුණු තොරතුරකට අනුව එම නිලධාරීන් පිරිසකට එරෙහිව ආරම්භ කර ඇති විමර්ශනයකට අනුව බස්නාහිර පළාත් උතුර අපරාධ කොට්ඨාසයේ ස්ථනාධිපති ප්රධාන පොලිස් පරීක්ෂක ආර්.ජී.සී. පදුමසිරි මහතා කළ ඉල්ලීමක් පිළිගනිමිනි.
ගණේමුල්ල බොල්ලත ප්රදේශයේ කළ වැටලීමේදී පොලිස් බාරයට ගෙන ඇති කොකේන් කිලෝග්රෑම් තුනක් වැටලීමට සම්බන්ධ වූ කොස්තාපල්වරයකු විසින් ජාවාරම් කළ බවට තොරතුරු ලැබී ඇති බවද පොලිසිය එහිදී අධිකරණයට දැන්වීය.
මෙලෙස විදේශ ගමන් තහනම් කරන ලද්දේ බස්නාහිර පළාත් උතුර අපරාධ කොට්ඨාසයේ කටයුතු කළ ලින්ටන් ලෙනාඩ් සිල්වා, කසුන් සුභාෂණ, රංජිත් රණසිංහ, මනෝජ් පියදර්ශන හේවාවසම්, තාරක මධුරංග අබේකෝන්, කෝලිත ලක්මාල් රාජපක්ෂ සහ ටෙරන්ස් සෙඩ්ර්ක් පීරිස් නමැත්තන්ටය.
Saru News
