අපරාධ පරීක්ෂණ දෙපාර්තමේන්තුව විසින් අත්අඩංගුවට ගත් මෝටර් රථ ප්රවාහන කොමසාරිස් ජනරාල් කමල් අමරසිංහ මහතා ඇප මත මුදා හැර තිබේ.
අද (20) පෙරවරුවේ පිලැස්ස මහේස්ත්රාත් අධිකරණට ඉදිරිපත් කිරීමෙන් අනතුරුව සැකකරු ඇප මත මුදාහැරිමට පිලැස්ස මහේස්ත්රාත් ඩබ්ලිව්. එම්. එම්. අයි. වාසල මහත්මිය විසින් නියෝග කරන ලදී.
ඒ අනුව කමල් අමරසිංහ මහතා රුපියල් 25,000ක මුදල් ඇපයක් සහ රුපියල් ලක්ෂ 2 බැගින් වු ශරීර ඇප 02ක් මත මුදා හැරීමට අධිකරණය නියෝග කළේය.
ඊට අමතරව ඔහුගේ විදෙස් ගමන් තහනම් කිරීමට ද අධිකරණය නියෝග කර ඇත.
වාහනයක් ලියාපදිංචි කිරීමේදී සිදුව ඇති බව කියන අක්රමිකතාවයක් සම්බන්ධයෙන් මෝටර් රථ ප්රවාහන කොමසාරිස් ජනරාල් කමල් අමරසිංහ මහතා පසුගිය මාර්තු මස 27 වනදා අපරාධ පරීක්ෂණ දෙපාර්තමේන්තුව මගින් අත්අඩංගුවට ගනු ලැබීය.
📌 සබැඳි පුවත්
Saru News
