රැකී රක්ෂා සඳහා පිටත්ව යෑමේ නැකත උදාවෙයි

සිංහල දෙමළ අලුත් අවුරුදු නැකත් සීට්ටුවට අනුව රැකී රක්ෂා සදහා පිටත්ව යාමේ නැකත අද (20) පූර්වභාග 6.27ට යෙදී තිබේ.

ශ්වේත වර්ණ වස්ත්‍රාභරණයෙන් සැරසී කිරිබතක් ද එළකිරි මිශ්‍ර කැවිලි වර්ගයක් ද අනුභව කර දකුණු දිශාව බලා රැකී රක්ෂා සදහා පිටත්ව යාම සුදුසු වේ.

මෙවර නැකත් සීට්ටුවේ රැකී රක්ෂා සදහා පිටත්ව යාමට වේලාවන් 2ක් සටහන්ව ඇත.

ඒ අනුව අද (20) පූර්ව භාග 6.50ට මුතු හා ශ්වේත වර්ණ වස්ත්‍රාභරණයෙන් සැරසී ගිතෙල් සහ තල මිශ්‍ර කිරිබතක් ද දීකිරි සහ අග්ගලා සමග කැවිළි වර්ගයක් ද අනුභව කර නැගෙනහිර දිශාව බලා රැකී රක්ෂා සදහා පිටත්ව යාම මැනවි බව නැකත් සීට්ටුවේ සඳහන් වේ.