සිංහල සහ දෙමළ අලුත් අවුරුදු චාරිත්රවලට එක් වෙමින් දිට්වා සුළි කුණාටුවෙන් විනාශ වූ අනුරාධපුර ගල්නෑව ප්රාදේශීය ලේකම් කොට්ඨාසයේ මල්බෙලිගල ග්රාම නිලධාරී වසමේ එච්.එම්. ඉන්ද්රජිත් සම්පත් සේනාරත්නගේ නව නිවසට ගෙවැදීමේ සහ අලුත් අවුරුදු සැමරුමට ජනාධිපති අනුර දිසානායක අද (14) පෙරවරුවේ එක් විය.
පූර්ණ හානියට පත් නිවාසවලට ලබා දුන් වන්දි යටතේ මාස පහක කාලයක් තුළ මෙම නිවස ඉදිව තිබෙන අතර එය පූර්ණ හානියට පත් නිවාස වෙනුවෙන් ගල්නෑව ප්රාදේශීය ලේකම් කොට්ඨාසය තුළ ඉදි වන නව නිවාස 06න් එකකි.
එමෙන්ම මෙම ප්රාදේශීය ලේකම් කොට්ඨාශයේ අර්ධ හානි වූ නිවාස හැට හයකටද මේ වනවිට වන්දි ගෙවා අවසන් කර තිබේ.
ප්රදේශයේ ජනතාව සමඟ එක්ව නව නිවසේ අලුත් අවුරුදු චාරිත්රවලට එක් වූ ජනාධිපති එම සියලු ජනතාවට සිංහල සහ දෙමළ අලුත් අවුරුදු සුබපැතුම් එක් කළේය.
එමෙන්ම ජනාධිපති මහත් හරසරින් පිළිගත් ප්රදේශවාසීහු ජනාධිපති වෙතද අලුත් අවුරුදු සුබපැතුම් එක් කළේය.
කෘෂිකර්ම, පශු සම්පත් ඉඩම් සහ වාරිමාර්ග ඇමති කේ.ඩී ලාල්කාන්ත, වෙළඳ වාණිජ හා ආහාර සුරක්ෂිතා ඇමති වසන්ත සමරසිංහ, නිවාස ඉදිකිරීම් හා ජල කලමනාකරණ ඇමති වෛද්ය සුසිල් රණසිංහ, උතුරු මැද පළාත් ආණ්ඩුකාර වසන්ත ජිනදාස, අනුරාධපුර දිස්ත්රික් පාර්ලිමේන්තු මන්ත්රී සුසන්ත කුමාර නවරත්න ඇතුළු පාර්ලිමේන්තු මන්ත්රීවරුද පළාත් පාලනය ආයතන ප්රධානීහු ඇතුළු මහජන නියෝජිතයෝද අනුරාධපුර දිස්ත්රික් ලේකම් රංජිත් විමලසූරිය ඇතුළු රාජ්ය නිලධාරීහුද නිවෙස් හිමි සේනාරත්නගේ පවුලේ ඥාතීහු ඇතුළු ප්රදේශවාසීහුද මෙම අවස්ථාවට එක්ව සිටියහ.
1
Saru News
