ඔබ මේකප් නැතුව එළියට යන්න බය කෙනෙක්ද ?

ලප කැළැල් රහිත සමක් සහ පරිපූර්ණ ලක්ශන සහිත සමක් ” ලස්සන ” යැයි සැලකෙන ලෝකයක බොහෝ තරුණියන් මේකප් භාවිතයෙන් තොරව නිවසින් පිටතට යාම පවා ප්‍රතික්ෂේප කරනවා. විශේෂයෙන්ම සමාජය ඉදිරියේ තමා පෙනී සිටිය යුත්තේ ඉතා අලංකාරව සහ විසිතුරු ඇඳුම් ආයිත්තම් සමග බව නූතන පරම්පරාවේ තරුණියන්ගේ විශ්වාසයයි. නමුත් ඇත්තටම එය එසේ විය යුතු නැහැ. 

සැබෑ විශ්වාසය පැමිණෙන්නේ ඔබ භාවිතා කරන මේකප් වර්ග වලින් වත් , ඔබ අඳින පළඳින ආකාරයෙන් වත් නොවේ. එය ඔබ ඔබව දකින ආකාරය, ඔබ ඔබට සලකන ආකාරය සහ ඔබ ඔබට හිමි වී ඇති සම සමඟ කොතරම් දුරට සුවපහසුද යනුවෙනි.

මේකප් කිරීමකින් තොරව ආත්ම විශ්වාසයක් දැනීමට ඉගෙන ගැනීම යනු සුන්දරත්වය ප්‍රතික්ෂේප කිරීම නොවේ. එය සෞඛ්‍ය සම්පන්න, ආත්ම විශ්වාසයකින් යුතුව ඔබවම පිළිගැනීම පිළිබඳවයි. 

වේශ නිරූපණය , එසේත් නැත්නම් මේකප් මගින් ආත්ම විශ්වාසය නිර්මාණය නොවන බව ඔබ පළමුවෙන්ම තේරුම් ගත යුතු වන අතර ඒවා මගින් ඔබේ සුන්දරත්වය වැඩි දියුණු කර ඔබට හොඳ හැඟීමක් ඇති කළ හැකි අතර, එහි කිසිදු වරදක්ද නැහැ.. නමුත් එය ඔබේ විශ්වාසයේ මූලාශ්‍රය නොවිය යුතුයි.

ඔබ මේකප් කරන විට පමණක් ඔබට විශ්වාසයක් දැනේ නම්, එයින් අදහස් වන්නේ ඔබේ ආත්ම වටිනාකම බාහිර දෙයක් මත ඔබ රඳා පවත්වා ගන්නා බවයි.

මේකප් මත රඳා නොපවතින සැබෑ සුන්දරත්වයක් ගැනයි අද අපි ඔබට කියන්නට සූදානම් වන්නේ.

ඔබේ සම ගැන සැලකිලිමත් වන්න

ඔබේ සම තුළ ඔබට සුවපහසුවක් දැනෙන විට විශ්වාසය වර්ධනය වේ. ඒ සඳහා ඔබට මිල අධික නිෂ්පාදන හෝ දිගු චර්යාවන් අවශ්‍ය වන්නේ නැහැ.

සරල පුරුදු පිළිපදින්න,

ඔබේ මුහුණ දිනපතා හොඳින් පිරිසුදු කිරීම

හොඳින් ජලය පානය කිරීම

ප්‍රමාණවත් නින්දක් ලබා ගැනීම

නිරෝගී සම යනු ලප කැලැල් රහිත වීම නොවේ. එය ඔබේ ස්වාභාවික තත්වයේ නැවුම් බව සහ පිරිසිදු බව පවත්වා ගැනීමයි. සෑම විටම ඔබේ සුන්දරත්වය අන් අය සමඟ සංසන්දනය කිරීමෙන් වලකින්න. එයින් සිදුවන්නේ ඔබේ විශ්වාසයට හානි වීමයි.

ඔබට හිමි වී ඇති දේ පිළිගන්න 

සමේ වර්ණය 

සිදුරු

කුඩා ලප කැලැල්

එවැනි තත්ත්වයන් ඕනෑම සමක සම්පූර්ණයෙන්ම සාමාන්‍ය දෙයකි. ඔබ ඔබව සංසන්දනය කිරීම අඩු කරන තරමට, ඔබ ඔබේ ස්වාභාවික සුන්දරත්වය පිළිගැනීම සිදුකරනවා.

ඔබ පෙනෙන ආකාරය නොව, ඔබට හැඟෙන ආකාරය කෙරෙහි අවධානය යොමු කරන්න

විශ්වාසය යනු පෙනුම පිළිබඳව පමණක් තිබිය යුතු දෙයක් නොවේ. එය ඔබ ඔබව පවත්වාගෙන යන ආකාරය පිළිබඳවද පවතිනවා.

 ඔබෙන්ම මෙසේ අසන්න,

මට සන්සුන් බවක් දැනෙනවාද?

මට සුවපහසුවක් දැනෙනවාද?

මට මාව මා ආකාරයෙන්ම දැනෙනවාද?

ඔබ ඔබේ බාහිර පෙනුම කෙරෙහි අවධානය යොමු කරන විට, ඔබේ විශ්වාසය වඩාත් ස්ථාවර හා සැබෑ බවට පත්වනවා.

ඔබට හොඳක් දැනෙන ආකාරයෙන් ඇඳුම් අඳින්න

මේකප් හෝ කිසිදු රූපලාවන්‍ය නිෂ්පාදන භාවිතයක්  නොමැතිව වුවද, ඔබ අඳින දේ තුළින් ඔබට හැඟෙන ආකාරය කෙරෙහි බලපෑම් කළ හැකිය. එම නිසා, සෑම විටම ඔබ ඇඳුම් තෝරාගත යුත්තේ ඔබට සුව පහසු,ඔබේ පෞරුෂයට ගැලපෙන,ඔබට විශ්වාසයක් දැනෙන ආකාරයේ ඇඳුම් පමණයි. ඔබ ඇඳ සිටින ඇඳුමෙන් ඔබට හොඳක් දැනෙන විට, ඔබ ස්වභාවිකවම ඔබව වඩා හොඳින් දරා ගන්නවා.

ධනාත්මක ස්වයං කතා පුහුණු වන්න

ඔබ ඔබටම කතා කරන ආකාරය අන් සියල්ලටම වඩා වැදගත් වනවා. ඒවාට ඔබේ ආත්ම විශ්වාසය අඩු කිරීමට හෝ වැඩි කිරීමට විශාල හැකියාවක් තිබෙනවා.

“මම මේකප් නොමැතිව හොඳ පෙනුමක් නැහැ”

කියා ඔබටම කියනවා වෙනුවට මෙසේ කියන්න උත්සාහ කරන්න,

“මේක මගේ ස්වාභාවික මුහුණ, එය මට ප්‍රමාණවත්”

“මට විශ්වාසයෙන් සිටීමට සැඟවීමට අවශ්‍ය නැත”

මුලදී එය අපහසු හෝ දුෂ්කර බවක් දැනෙන්නට පුළුවන් නමුත් කාලයත් සමඟ ඔබේ මානසිකත්වය සෙමෙන් වෙනස් වනු ඇත.

කුඩාවට පටන් ගෙන ක්‍රමයෙන් සුවපහසු වන්න

ඔබ මේකප් කිරීමකින් තොරව පිටතට යාමට පුරුදු වී නොමැති නම්, එය හදිසියේම නතර කිරීම අවශ්‍ය නැහැ. එම නිසා,

කුඩා පියවර වලින් ආරම්භ කරන්න

කෙටි වැඩ සහ ගමන් සඳහා මේකප් නොමැතිව පිටතට යන්න

සමීප මිතුරන් සමඟ ස්වාභාවිකව කාලය ගත කරන්න

නිවසේ සිටින විට කිසිදු නිෂ්පාදන භාවිතයකින් තොරව සුවපහසු ලෙස සිටින්න

මෙම කුඩා පියවරවල් මගින් සෙමෙන්, ඔබේ විශ්වාසය වර්ධනය වන අතර එය සාමාන්‍ය බවක් දැනෙන්නට පටන් ගන්නවා.

ඔබ වටා සිටින අය පිළිබඳව සැලකිලිමත් වන්න

ඔබ නිරාවරණය වන පුද්ගලයින් සහ ඔබේ යැයි හැඟෙන පුද්ගලයන් ඔබේ ආත්ම විශ්වාසය කෙරෙහි දැඩිව බලපානවා.එම නිසා ඔබ සම්බන්ධ විය යුත්තේ ,

ස්වාභාවික සුන්දරත්වය අගය කරන පුද්ගලයින්

සැබෑ සහ ධනාත්මක බවක් හඟවන අය

ඔබව ඔබ ලෙසින් පිළිගන්නා අය 

ඔබේ පෙනුමට වඩා මිනිසුන් ආකර්ෂණය විය යුත්තේ ඔබේ ශක්තියට සහ ඔබේ ගුණාංග වලටයි. ඔබ කතා කරන, සිනාසෙන සහ ඔබ ඔබව නියෝජනය කරන ආකාරය වේශ නිරූපණයට වඩා ශක්තිමත් හැඟීමක් අන් අය තුළ ඇති කළ යුතුයි.ඒ වගේම ඔබට ඔබ තුළ සුවපහසුවක් සහ විශ්වාසයක් දැනෙන විට, එය ස්වභාවිකවම පිටතින් පෙන්නුම් කරනවා.

වේශ නිරූපණයකින් හෝ කිසිදු මේකප් නිෂ්පාදනයකින් තොරව විශ්වාසයක් දැනීම එක රැයකින් සිදුවන දෙයක් නොවේ. එය ඔබ සිටින ආකාරයටම ඔබව සෙමින් පිළිගැනීම, තේරුම් ගැනීම සහ ඔබට ආදරය කිරීමේ ක්‍රියාවලියකි. ඔබ අන් අය හා සම්බන්ධ වීමට සුදුසු යැයි හැඟීමට ඔබ ” අතිශය ” ලස්සන වීමට අවශ්‍ය නැත. සැබෑ සුන්දරත්වය ඇතිවන්නේ තමා කෙරෙහිම ඇති ආත්ම විශ්වාසය සහ තමාව තමා ලෙස පිළිගැනීම තුළිනි.