ඒහිපස්සිකෝ : “එන්න, බලන්න” සමයේ පාගමන තවත් දින දෙකයි (ඡායා)

ලොවටම සාමය පතා වියට්නාම ජාතික පඤ්ඤාකර හිමි ප්‍රමුඛ භික්ෂූන් වහන්සේ 13 නමක හා ආලෝකා සාම සුන­ඛයාගේ සහභාගීත්වයෙන් සිදුකරන “ඒහිපස්සිකෝ” සාම පාද යාත්‍රාව තවත් දින 2කින් (28 වැනිදා) ගංගා­රාම විහා­ර­ස්ථා­න­යෙන් අව­සන් කිරී­මට නියමිතය.

ගෙවුණු දින පහ පුරාම දැඩි අවු­ර­ශ්මි­යක් පැව­තු­ණත් දහස් සංඛ්‍යාත පොදු ජන­තා­වක් ජාති ආගම් භේද­ය­කින් තොරව සද්ධා සිත් පෙර­දැ­රිව සුදු­ව­තින් සැරසී, මඟ දෙපස රැඳී සිටි පිරිස් මාර්ගයේ කෙසෙල් කොළ අතු­ර­මින් පාවඩ එළ­මින් සිය කෘත­ඥ­තාව පළ කර පාගමනේ යෙදෙන භික්ෂුන් වහ­න්සේ­ලාට පුෂ්පෝ­ප­හාර දක්ව­මින් සිය බැති­ම­ත්භා­ව­යද පුද­ක­රනු දක්නට ලැබිණි. 

මේ සාම ගමනේ ඉතිරිව ඇති දින අතර ලබන අප්‍රේල් 28දා පෙ.ව.11.00ට කැලණි රජ­මහා විහා­ර­ස්ථා­න­යේදී පාසල් ළම­යින් හා විශ්ව­වි­ද්‍යාල සිසුන් සමඟ පැවැත්වීමට නියමිත විශේෂ සාකච්ඡාව විශේෂිතය.

පසුව කැලණි විහා­ර­යෙන් ආරම්භ කෙරෙන සාම පා ගමන නිද­හස් චතු­ර­ස්‍රය දක්වා පැමි­ණී­මට නිය­මි­තව තිබේ. 

28 වැනිදා ප.ව. 4.00ට නිද­හස් චතු­ර­ස්‍ර­යේදී ජනා­ධි­ප­ති­ව­ර­යාගේ සහ­භා­ගි­ත්ව­යෙන් රාජ්‍ය උත්ස­ව­යක්ද පැවැත්වේ. 

මෙහිදී ජනා­ධි­පති අනුර කුමාර දිසා­නා­යක මහතා විසින් පඤ්ඤා­කර හිමි ඇතුළු නියෝ­ජිත පිරි­සට ශ්‍රී මහා බෝධින් අංකු­රය නිල වශ­යෙන් භාර­දී­මට නිය­මි­තව ඇත.

නැවත ප.ව. 5.30ට ආරම්භ කෙරෙන පා ගමන ප.ව.7.00 ට ගංගා­රාම විහා­ර­ස්ථා­න­යෙන් අව­සන් කිරී­මට නිය­මි­තව තිබේ.

පාගමන අප්‍රේල් 27 වැනිදා යක්කල සිට කැලණි රජමහා විහාරය දක්වා පැමිණීමට නියමිතය.

මේ ගෙවුණ සාම පාගමනේ පෙරේදා (25) මාව­නැල්ල බෙලි­ග­ම්මන විද්‍යා­ව­ර්ධන පිරි­වෙන් පොත්ගුල් විහා­ර­යේ සිට තෝලං­ග­මුව ජාතික පාසල දක්වා පැමි­ණෙන අතර කැමරා කාචයේ සටහන් වූ ඡායාරූප කිහිපයකි.

(ඡායා : කැළුම් ශිවන්ත ‍| ශානිකා ජයසේකර)