ධවල මන්දිර මාධ්යවේදීන්ගේ රාත්රී භෝජන සංග්රහය අතරතුර සිදුවූ වෙඩි තැබීමේ සිද්ධිය සම්බන්ධයෙන් තෙවන චාල්ස් රජු නිරන්තරයෙන් දැනුවත් කරන බව බකිංහැම් මාලිගය පවසයි.
ලබන සඳුදා රජු අමෙරිකාවේ සංචාරය කිරීමට නියමිතව තිබූ අතර, සෙනසුරාදා රාත්රියේ සිදුවූ මෙම සිදුවීම එම සංචාරයේ මෙහෙයුම් සැලසුම්වලට බලපාන්නේ කෙසේද යන්න පිළිබඳව දෙරටේ නිලධාරීන් අතර මේ වන විට විශේෂ සාකච්ඡා ආරම්භ වී ඇත.
ඩොනල්ඩ් ට්රම්ප් සහ මෙලානියා ට්රම්ප් ඇතුළු පිරිස උත්සව ශාලාවට ඇතුළු වීමට උත්සාහ කළ පුද්ගලයෙකු වෙඩි තැබීමත් සමඟ ආරක්ෂිතව ඉවත් කිරීමට කටයුතු කෙරිණි.
එහිදී රහස් පරීක්ෂක සේවා නිලධාරියෙකුට වෙඩි වැදුණු නමුත් උණ්ඩ නොවදින ඇඳුම් නිසා ඔහුගේ ජීවිතය බේරී ඇත.
අමෙරිකානු වැඩබලන නීතිපති ටොඩ් බ්ලැන්ච් පවසන්නේ රජුගේ සිව් දින රාජ්ය සංචාරයේ ආරක්ෂාව පිළිබඳව පූර්ණ විශ්වාසයක් පවතින බවය.
සැකකරු 31 හැවිරිදි කෝල් ටොමස් ඇලන් ලෙස හඳුනාගෙන ඇති අතර ඔහුට එරෙහිව සඳුදා අධිකරණයේ නඩු පැවරීමට නියමිතය.
2007 වසරේ දෙවන එලිසබෙත් රැජිනගේ සංචාරයෙන් පසු බ්රිතාන්ය රජෙකු අමෙරිකාවේ සිදුකරන පළමු සංචාරය මෙය වන බැවින් ආරක්ෂාව දැඩි කිරීමට පියවර ගෙන ඇත.
විශේෂයෙන්ම රජු මහජනතාව හමුවීමට කැමැත්තක් දක්වන බැවින්, එම කටයුතු ආරක්ෂක හේතූන් මත සීමා කිරීමට හෝ වෙනස් කිරීමට ඉඩ ඇත.
ඉරාන යුද්ධය සම්බන්ධයෙන් දෙරට අතර යම් මතභේදාත්මක තත්ත්වයන් පැවතියද, මෙම සංචාරය හරහා බ්රිතාන්යය සහ අමෙරිකාව අතර සබඳතා යථා තත්ත්වයට පත් වනු ඇතැයි ජනපති ට්රම්ප් විශ්වාසය පළ කර ඇත.
සංචාරය අතරතුර චාල්ස් රජු අමෙරිකානු කොංග්රස් මණ්ඩලය ඇමතීමට, නිව්යෝර්ක්හි 9/11 ස්මාරකය නැරඹීමට සහ වර්ජිනියාවේ පිහිටි රණවිරු ස්මාරකයට උපහාර දැක්වීමට නියමිතය.
බ්රිතාන්ය අගමැති ශ්රීමත් කීර් ස්ටාර්මර් ඇතුළු දේශපාලන නායකයින් මෙම ප්රහාරය හෙළා දකිමින් ජනාධිපති ට්රම්ප් සහ පවුලේ අයගේ සුවදුක් විමසා ඇති අතර, දේශපාලන ප්රචණ්ඩත්වය කිසිසේත් අනුමත කළ නොහැකි බව අවධාරණය කර ඇත.
Saru News
