ඉරානය සමග නව වටයක සාම සාකච්ඡා ඉදිරි පැය 36 සිට 72 දක්වා කාලය ඇතුළත ආරම්භ වීමට ඉඩ ඇති බව අමෙරිකානු ජනාධිපති ඩොනල්ඩ් ට්රම්ප් ප්රකාශ කර ඇත.
රාජ්ය තාන්ත්රික ප්රයත්නයන් සඳහා අවස්ථාව ලබා දෙමින් ඉරානය සමග පවතින සටන් විරාමය දීර්ඝ කිරීමට ජනාධිපතිවරයා තීරණය කිරීමෙන් පසු මෙම නිවේදනය නිකුත්කර තිබීම සුවිශේෂීය.
‘නිව් යෝර්ක් පෝස්ට්’ පුවත්පත වාර්තා කරන පරිදි, පාකිස්තානය මැදිහත් වී සිදුකරන සාම සාකච්ඡා සාර්ථක මාවතකට අවතීර්ණ වී ඇති අතර, ඒ පිළිබඳව අදහස් දක්වමින් ජනාධිපති ට්රම්ප් පවසා ඇත්තේ “එය සිදුවීමට ඉඩ ඇති” බවය.
අද දින අවසන් වීමට තිබූ සටන් විරාමය පාකිස්තානයේ ඉල්ලීම පරිදි දීර්ඝ කිරීමට ජනාධිපති ට්රම්ප් කටයුතු කළේය.
ඉරානය විසින් ඒකාබද්ධ යෝජනාවක් ඉදිරිපත් කරන තෙක් සහ ද්විපාර්ශ්වික සාකච්ඡා අවසන් වන තෙක් මෙම කාලය ලබා දී ඇත.
කෙසේ වෙතත්, ඉරාන රජය පවසා ඇත්තේ අමෙරිකාව ප්රකාශ කළ මෙම සටන් විරාමය තමන් පිළිනොගන්නා බවත්, තමන් ක්රියා කරන්නේ ජාතික අවශ්යතා මත පදනම්ව බවත්ය.
Saru News
