හිටපු පාර්ලිමේන්තු මන්ත්‍රී මහින්දානන්ද අලුත්ගමගේ, හිටපු සතොස සභාපති හිටපු කර්මාන්ත ඇමැති නලින් රුවන්ජීව ප්‍රනාන්දු, චමින්ද හර්ෂජිත්, හිටපු සතොස සභාපතිවරයෙක් සහ ක්‍රීඩා අමාත්‍යාංශයේ හිටපු ලේකම් විශ්‍රාමික යුද හමුදා මේජර් ජෙනරාල් නන්දසිරි මල්ලවාරච්චි යන අයවලුන්ට එරෙහි නඩුව නීතිපති උපදෙස් සඳහා ලබන ඔක්තෝබර් මස 29 යළි කැඳවන ලෙස කොටුව මහේස්ත්‍රාත් නිලුපුලී ලංකාපුර අද (23) නියෝග කළා.
2015 වසරේ පැවැති ජනාධිපතිවරණ සමයේ දී ක්‍රීඩා අමාත්‍යාංශයේ රුපියල් මිලියන 39කට මුදල් වැය කර කැරම් බෝඩ් දහසක් සහ දාම් බෝඩ් දහසක් මිල දී ගෙන ශ්‍රී ලංකා නිදහස් පක්ෂ ශාඛා කාර්යාලවලට ක්‍රීඩා උපකරණ ලබා දී ඇති බවට චෝදනා කරමින් මෙම නඩුව ගොනු කර ඇති බවයි දසත අධිකරණ වාර්තාකාරිණිය පැවසුවේ.
එම සිද්ධිය සම්බන්ධයෙන් හිටපු සතොස සභාපතිවරයෙක් සහ ක්‍රීඩා අමාත්‍යාංශයේ හිටපු ලේකම් විශ්‍රාමික යුද හමුදා මේජර් ජෙනරාල් නන්දසිරි මල්ලවාරච්චි යන අයගෙන් ප්‍රකාශ ලබා ගත් බව අපරාධ පරීක්ෂණ දෙපාර්තමේන්තුව අධිකරණයට ඊයේ දන්වා සිටියා.
සිද්ධිය සම්බන්ධයෙන් නඩුව කැඳවූ අවස්ථාවේදී හිටපු ඇමති පාර්ලිමේන්තු මන්ත්‍රී මහින්දානන්ද අලුත්ගමගේ, හිටපු සතොස සභාපති හිටපු කර්මාන්ත ඇමැති නලින් රුවන්ජීව ප්‍රනාන්දු, චමින්ද හර්ෂජිත් යන අය විවෘත අධිකරණයේ පෙනී සිටියා.
Saru FM Media
