බොරතෙල් රැගත් නැවක් අද දිවයිනට

මැද පෙරදිග යුද්ධය ආරම්භ වීමෙන් පසු පැමිණෙන දෙවන බොරතෙල් නෞකාව අද (26) පස්වරුවේ මෙරටට ළඟා වීමට නියමිත බව ඛනිජ තෙල් තොග ගබඩා පර්යන්ත සමාගම පවසයි.

මෙම නෞකාවෙන් බොරතෙල් මෙට්‍රික් ටොන් 90,000ක ප්‍රමාණයක් මෙරටට රැගෙන එන බව එහි කළමනාකාර අධ්‍යක්ෂ ආචාර්ය මයුර නෙත්තිකුමාර මහතා කියයි.

ඒ අනුව අප්‍රේල් මාසය සදහා අවශ්‍ය බොරතෙල් ප්‍රමාණය අද පැමිණෙන නෞකාව සමග සම්පූර්ණ කර ඇති බවද ඔහු කියා සිටී.