අධිවේගී මාර්ගවල මුදාගැනීමේ මෙහෙයුම් කටයුතු සඳහා ශ්රී ලංකා ගුවන් හමුදා නිලධාරීන් අනුයුක්ත කර තිබේ.
ශ්රී ලංකා ගුවන් හමුදාවේ මාධ්ය ප්රකාශක, ගෘෘප් කැප්ටන් නලින් වැවකුඹුර මහතා පවසා සිටියේ, ඒ අනුව පසුගිය අප්රේල් මස 17 වනදා සිට මෙම මෙහෙයුම් කටයුතු ශ්රී ලංකා ගුවන් හමුදාව වෙත භාරදී ඇති බවය.
මීට පෙර මෙම මුදාගැනීමේ මෙහෙයුම් පොලිස් විශේෂ කාර්ය බළකා සෙබළුන් විසින් සිදුකර තිබුණි.
ඒ අනුව කටුනායක සිට කොට්ටාව දක්වා සහ කොට්ටාව සිට මත්තල දක්වා මෙම මුදාගැනීමේ මෙහෙයුම් ශ්රී ලංකා ගුවන් හමුදාව විසින් සිදුකරනු ලබන අතර, මීරිගම අධිවේගයේ මුදාගැනීමේ මෙහෙයුම් පොලිස් විශේෂ කාර්ය බළකාය විසින් සිදුකරනු ඇත.
ඒ අනුව ගැලනිගම, සීදුව, කුරුදුගහහැතැක්ම, පින්නදූව, සූරියවැව යන ස්ථානවල මෙම මුදාගැනීමේ මෙහෙයුම් සඳහා ශ්රී ලංකා ගුවන් හමුදා නිලධාරීන් ස්ථානගත කර ඇති බවද ශ්රී ලංකා ගුවන් හමුදාවේ මාධ්ය ප්රකාශක, ගෘෘප් කැප්ටන් නලින් වැවකුඹුර මහතා පැවසීය.
මූලාශ්රය – ලංකාදීප
Saru News
