රුපියල් මිලියන 230ක පමණ වටිනාකමකින් යුත් කුෂ් මත්ද්‍රව්‍ය සමග අමෙරිකානු ජාතිකයෙකු ගුවන්තොටුපොළෙදී අත්අඩංගුවට ගෙන තිබෙනවා .
එම සැකකරු ගුවන්තොටුපොළෙ රේගු මත්ද්‍රව්‍ය පාලන අංශයේ නිලධාරීන් විසින් අද (15) අත්අඩංගුවට ගෙන ඇති බවයි වාර්තා වන්නේ .
ඔහු අත්අඩංගුවට ගන්නා අවස්ථාවේදී කුෂ් කිලෝග්‍රෑම් 23ක් සොයාගෙන තිබෙනවා .
ඔහු එම කුෂ් මත්ද්‍රව්‍ය තොගය තායිලන්තයේ සිට මෙරටට රැගෙනවිත් ඇති බවයි වාර්තා වන්නේ .
31 හැවිරිදි මෙම ඇමෙරිකානු ජාතිකයා එරට ඉඩම් වෙළෙඳාමේ නිරත සමාගමක සේවය කරන්නෙක් .
ඔහු විසින් රැගෙන ආ ගමන් මල්ල තුළ කිලෝ ග්‍රෑම් 01 බැගින් වූ පැකට් 23 ලෙස සකස් කර, මෙම “කුෂ්” මත්ද්‍රව්‍ය කිලෝ ග්‍රෑම් 23ක ප්‍රමාණය සඟවා ගෙන පැමිණ තිබෙනවා .
Saru FM Media
