මහවැලි ගඟේ වෙරුගල්ආරු පාලම අසල දියනෑමට ගිය පියෙකු සහ පුතුන් සිව්දෙනා අතරින් අතුරුදන් වූ තිදෙනාගෙන් දෙදෙනෙකුගේ සිරුරු අද (15) පස්වරුවේ සොයා ගැනුණි.
පියෙකු සහ පුතුන් සිව්දෙනෙකු ඊයේ (14) පස්වරුවේ දියේ ගිලි මෙලෙස අනතුරකට මුහුණපා තිබුණු අතර ඉන් පියා සහ එක් පුතෙකු දිවි බේරාගැනීමට සමත් වුණි.
අතුරුදන් වූ සෙසු තිදෙනාගෙන් දෙදෙනෙකුගේ සිරුරු අද පස්වරුවේ මෙලෙස සොයා ගෙන තිබේ.
දියේ ගිලි ජීවිතක්ෂයට පත්වුණේ වයස අවුරුදු 35 සහ 34 වයස්වල පසුවන පුද්ගලයින් දෙදෙනෙකි.
කොළඹ රැකියා කටයුතුවල නිරත පුතුන් සිව්දෙනා අලුත් අවුරුද්දට ගමට පැමිණීම හේතුවෙන් ඔවුන් සමඟින් පියා දිය නෑමට යාමේදී අනතුර සිදුවී තිබුණි.
Saru News
