ගල්අඟුරු වංචාව යටපත් කිරීම සඳහා ආණ්ඩුව දරන සියලු උත්සාහයන් පරාජය කළ යුතු යැයි සඳහන් කරමින් සමගි ජන බලවේගය අද (17) පස්වරුවේ නිවේදනයක් නිකුත් කළේය.
එමගින් අවධාරණය කර ඇත්තේ, දූෂිත අමාත්යවරයාත්, අමාත්යංශ ලේකම්වරයාත් ඉල්ලා අස්වීම හරහා ප්රමිතියෙන් තොර ගල්අඟුරු ආනයනයෙන් රටට සිදුකළ බිලියන ගණනක පාඩුව ජන මනසින් යටපත් කිරීමට ආණ්ඩුව උත්සාහ කර ඇති බවය.
ටෙන්ඩර් ක්රියාවලියේ සිටම සිදුකළ මෙම දූෂිත ගණුදෙනුව සම්බන්ධයෙන් විෂයභාර අමාත්යවරයා, ලේකම්වරයා පමණක් නොව ජනාධිපතිවරයා ප්රමුඛ සමස්ත කැබිනට් මණ්ඩලයම වගකිව යුතු බවත්, ඒ සම්බන්ධයෙන් ගතහැකි සියලු පියවර ගන්නා බවත් සමගි ජන බලවේගය නිකුත්කළ නිවේදනයේ සඳහන්ය.
මේ අතර මේ සම්බන්ධයෙන් ‘X’ සටහනක් තබමින් පොදුජන පෙරමුණේ ජාතික සංවිධායක, පාර්ලිමේන්තු මන්ත්රී නාමල් රාජපක්ෂ මහතා පවසන්නේ, බලශක්ති අමාත්ය කුමාර ජයකොඩි මහතාගේ ඉල්ලා අස්වීම කැමැත්තෙන් පිළිගත්ත ද එය ප්රමාද වැඩි බවය.
ගල්අඟුරු වංචාව දැනටමත් ජාතියට මිලියන ගණනක් අහිමි කර ඇති බවත්, අමාත්යවරයා ඉල්ලා අස්වුවද සිදුවූ පාඩුවට කරන්නේ කුමක්ද යන්න අපැහැදිලි බවත් එමගින් සඳහන් කර තිබේ.
නාමල් රාජපක්ෂ මහතා වැඩිදුරටත් පවසන්නේ, කුමාර ජයකොඩි මහතාට
අතීත දූෂණ චෝදනා තිබියදීත්, මෙතරම් බලවත් අමාත්යාංශයකට පත්කිරීමේ වගකීම ජනපති භාරගත යුතු බවය.
Saru News
