මෙරට ජනතාවට ගුණාත්මක සහ ප්රශස්ත සෞඛ්ය සේවාවක් ලබා දීමේ අරමුණ පෙරදැරිව සෞඛ්ය සේවාවේ මානව සම්පත ශක්තිමත් කිරීමේ රජයේ වැඩපිළිවෙළට අනූව රාජ්ය සෞඛ්ය කළමනාකරණ සහකාර තනතුර සඳහා 213 දෙනෙකුට පත්වීම් ලිපි ප්රදානය කිරීමට සෞඛ්ය හා ජනමාධ්ය අමාත්යාංශය කටයුතු සූදානම් කර ඇත.
එම පත්වීම් ප්රදානය සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතාගේ ප්රධානත්වයෙන් හෙට (27) දින උදෑසන 9.30ට කොළඹ පදනම් ආයතනයේ දී සිදු කිරීමට නියමිතය.
රාජ්ය සෞඛ්ය කළමණාකරණ සහකාර තනතුර සඳහා බඳවා ගැනීමේ විවෘත තරඟ විභාගය පසුගිය 2021 වසරේ පැවැත්වීමට නියමිතව තිබු නමුත් එම තරඟ විභාගය පවත්වන ලද්දේ 2025 වසරේ දීය.
එම තනතුර සඳහා 226 දෙනෙකු බඳවා ගැනීමට අනුමැතිය ලැබී තිබු අතර, විවෘත තරඟ විභාගය අනූව සුදුසුකම් සපුරන ලද 246 දෙනෙකු සම්මුඛ පරීක්ෂණ සඳහා භාජනය කර ඉහත 213 දෙනා එම තනතුර සඳහා තෝරා ගෙන ඇත.
රාජ්ය සෞඛ්ය කළමණාකරණ සහකාර තනතුර සඳහා අනුමත කාර්ය මණ්ඩලය 2,617ක් වන අතර, 1,906ක පිරිසක් මේ වනවිට සෞඛ්ය සේවාවේ නිරත වේ.
1
Saru News
