රෂිකා හෙන්නායක පෙබරවාරි 06, කොළඹ LNW :
චීන රජයේ ආධාර මත නවීකරණය කරන ලද උපරිමාධිකරණ සංකීර්ණය අධිකරණ කටයුතු සඳහා යළි ලබා දීමේ අවස්ථාවට එක්වෙමින් , අග්රාමාත්ය ආචාර්ය හරිනි අමරසූරිය පැවසූවේ, උපරිමාධිකරණ සංකීර්ණය තුළ ලබා දෙන තීන්දු තීරණ, මෙරට යුක්තියේ ස්වභාවය, ප්රජාතන්ත්රවාදය සහ නීතියේ ආධිපත්යය මැනවින් පිළිබිඹු කරන කැඩපතක් බවය.
මහජන චීන සමූහාණ්ඩුවේ වාණිජ අමාත්යාංශය, මෙරට අධිකරණ අමාත්යාංශය සහ චීන ජාත්යන්තර සහයෝගිතා නියෝජිතායතනය අතර ඇති කරගත් ගිවිසුමකට අනුව මෙම ප්රතිසංස්කරණ කටයුතු සිදු කෙරිණි.
එහිදී උපරිමාධිකරණයේ මුල් පෙනුම සහ ව්යුහය ආරක්ෂා කරමින්, නවීන තාක්ෂණයෙන් යුතුව නව පුද්ගල, සත් පුද්ගල, පංච පුද්ගල සහ ත්රි පුද්ගල විනිශ්චයාසන සහිත නව ශ්රේෂ්ඨාධිකරණ විනිශ්චය ශාලා 07ක්. විනිසුරුතුමන්ලා සඳහා නව නිල කාමර 20ක් සහ කාර්ය මණ්ඩල පහසුකම්. විදුලි සෝපාන, නවීන පුස්තකාලයක්, නඩු වාර්තා කාමරයක් සහ ශ්රවණාගාරයක්,සියලු ස්ථාන ආවරණය වන පරිදි ස්වයංක්රීය කැමරා පද්ධතියකින් යුත් අති නවීන පාලක මැදිරියක් ඇතුළු නවීන පහසුකම් සහිතව උපරිමාධිකරණ සංකීරණය ප්රතිසංස්කරණය කර තිබේ.
මෙහිදී වැඩිදුරටත් අදහස් දැක්වූ අග්රාමාත්ය ආචාර්ය හරිනි අමරසූරිය,
චීන ජනාධිපති ෂී ජින්පින් මහතා ඇතුළු චීන රජය ශ්රී ලංකාවට දක්වන අඛණ්ඩ සහයෝගය අගය කළ අග්රාමිත්යතුමිය යුක්තිය සැමට සමානව ඉටුවනු ඇතැයි යන මහජන අපේක්ෂාව ඉටු කිරීමට මෙම නවීන පහසුකම් පිටුවහලක් වනු ඇතැයි ද විශ්වාසය පළ කළාය. මෙම අවස්ථාවට අධිකරණ අමාත්ය හර්ෂණ නානායක්කාර, අගවිනිසුරු පද්මන් සූරසේන, ශ්රී ලංකාවේ චීන තානාපති ෂී ෂෙන්හොං (Qi Zhenhong), නීතිපති පරින්ද රණසිංහ යන මහත්වරුන් ඇතුළු ශ්රේෂ්ඨාධිකරණ සහ අභියාචනාධිකරණ විනිසුරුවරුන් පිරිසක් සහභාගී වූහ.
Saru News
