සිසුවෙකුගේ පියෙක් සමඟ අනියම් සම්බන්ධයක් පවත්වාගෙන ගොස් ඔහුගෙන් කප්පම් ලබාගැනීමට උත්සාහ කළ ගුරුවරියක් අත්අඩංගුවට ගත් පුවතක් ඉන්දියාවේ බැංගලෝරයෙන් වාර්තා වනවා.
මෙලෙස අත්අඩංගුවට ගෙන ඇත්තේ 25 හැවිරිදි ගුරුවරියක්වන අතර; ඊට ආධාර අනුබලදීම සම්බන්ධයෙන් තවත් දෙදෙනෙකු ද අත්අඩංගුවට ගෙන ඇති බවයි වාර්තා වුණේ.
බටහිර බැංගලෝරයේ තම බිරිඳ සහ දියණියන් තිදෙනා සමඟ ජීවත්වන වෙළෙන්දෙකු වන සතිෂ්, 2023 දී ඔහුගේ බාල දරුවා පාසලට ඇතුළත් කර තිබෙනවා.
එහිදී මෙම පුද්ගලයා අදාළ ගුරුවරිය මුණගැසී ඇති අතර, පසුව ඔවුන් දෙදෙනාගේ ඇසුර සමීප ඇසුරක් බවට පත්ව ඇති බවයි අනාවරණය වී ඇත්තේ.
ඔවුන් දෙදෙනා දුරකථනයෙන් කෙටි පණිවුඩ සහ වීඩියෝ ඇමතුම් හුවමාරු කර ගැනීමටත්, අවසානයේ ඔවුන්ගේ හමුවීම් ඉතා පෞද්ගලික හමුවීම් බවටත් පත්ව තිබෙනවා.
කෙසේ වෙතත් සැකකාර ගුරුවරිය තවත් දෙදෙනෙකු සමඟ එක් වී මෙම පුද්ගලයා එවූ අතිශය පෞද්ගලික ඡායාරූප සහ වීඩියෝ පවුලේ ඥාතීන් වෙත පෙන්වන බව පවසා තර්ජනය කර ඇති බවයි අනාවරණය වී ඇත්තේ.
එහිදී ඔවුන් විසින් කප්පම් වශයෙන් රුපියල් ලක්ෂ 20ක මුදලක් ඉල්ලා ඇති අතර, එම මුදල ලක්ෂ 15ක් දක්වා අඩුකර ගැනීමට අදාළ පුද්ගලයාට හැකිව තිබෙනවා.
මේ සම්බන්ධයෙන් අදාළ පුද්ගලයා පොලිසියට පැමිණිලිකර ඇති අතර, එම පැමිණිල්ලට අනුව ක්‍රියාත්මක වූ පොලිසිය සැකකාර ගුරුවරිය සහ අනෙකුත් සැකකරුවන් දෙදෙනා අත්අඩංගුවට ගැනීමට කටයුතු කර ඇති බවයි වාර්තා වුණේ.
අත්අඩංගුවට ගැනුණු තිදෙනා දින 14 කට රක්ෂිත බන්ධනාගාර ගතකර තිබෙනවා.
Saru FM Media
