ජාතික ජන බලවේගයට බහුතරය හිමි නොවූ පළාත් පාලන ආයතනවල බලය පිහිටුවීමට විපක්ෂයේ දේශපාලන පක්ෂ අතර එකඟතාවක් ඇති වීම ආණ්ඩුවට අභියෝගයක් නොවන බව කම්කරු නියෝජ්‍ය අමාත්‍ය මහින්ද ජයසිංහ මහතා පවසනවා.
නෙත් නිවුස් සමග සාකච්ඡාවකට එක්වෙමින් නියෝජ්‍ය අමාත්‍යවරයා කියා සිටියේ විපක්ෂයේ කණ්ඩායම් අතර එකඟතාවක් ඇති වුවද ඔවුන්ට දීර්ඝ කාලයක් එක්ව කටයුතු කිරීමේ හැකියාවක් නොමැති බවයි.
ජාතික ජන බලවේගය මෙන් කණ්ඩායම් හැඟීමෙන් කටයුතු කිරීමට විපක්ෂයේ කණ්ඩායම්වලට නොහැකි බවද නියෝජ්‍ය අමාත්‍ය මහින්ද ජයසිංහ මහතා මෙහිදී කියා සිටියා.
මේ අතර පළාත් පාලන ආයතනවල බලය පිහිටුවීම සම්බන්ධයෙන් ශ්‍රී ලංකා පොදුජන පෙරමුණ දරණ ස්ථාවරය කුමක්ද? යන්න එහි ජාතික සංවිධායක, පාර්ලිමේන්තු මන්ත්‍රී නාමල් රාජපක්ෂ මහතා මෙලෙස පැහැදිලි කළා.
පළාත් පාලන ආයතනවල සභාපතිවරුන් පත් කිරීම සම්බන්ධයෙන් ජනාධිපතිවරයා ඉකුත් දා සිදු කළ ප්‍රකාශයකට සමගි ජන බලවේගයේ පාර්ලිමේන්තු මන්ත්‍රී මුජිබර් රහුමාන් මහතා දැක්වූ ප්‍රතිචාරයයි මේ.
මතුව ඇති තත්ත්වයන් හමුවේ පළාත් පාලන ආයතනවල බලය ඩැහැ ගැනීම සඳහා දේශපාලන පක්ෂ ක්‍රියාත්මක වෙමින් ඇති ආකාරය පිළිබඳ ශ්‍රී ලංකා මුස්ලිම් කොංග්‍රසයේ නායක පාර්ලිමේන්තු මන්ත්‍රී රවුෆ් හකීම් මහතා දැක්වූයේ මෙවන් අදහසක්.
Saru FM Media
