ව්‍යායාම් ගැන අද විසල් කතිකාවක් ගොඩ නැගිලා තියෙනවා. ව්‍යායාම වලින් අපට මානසිකව මෙන්ම ශාරීරිකව වාසි රැසක් අත්වන බව ඔබ දන්නවා. මොනවද ඇත්තටම මේ වාසි ? මේක කියවලම ඔබ තීරණය කරන්න, ඔබේ නිරෝගිතාව තියෙන්නේ කොතනද කියලා.
ව්‍යායාම සිදු කිරීමේදී කැලරි දහනය වීමක් සිදුවෙනවා. ඉන් සිරුර තරබාරු වීම වලකින අතර ආහාර පාලනය සමග ව්‍යායාම් කිරීමෙන් වැඩි ප්‍රතිඵලයක් ලැබෙනවා.
ව්‍යායාම මගින් ඉන්සියුලින් හෝමෝනය සඳහා ඇති සංවේදීතාවය වැඩිකර දියවැඩියාව පාලනය කරන අතර රුධිර පීඩනය, කොලෙස්ටරෝල් සහ ශරීරයේ මේද අඩුකර හර්ද අකර්මණ්‍යතාවයේ අවදානම අඩු කරනවා.
මෙය පර්යේෂණවලින් තහවරු වී තිබෙන්නක්. ඔබ වෙහෙසට පත් වී සිටින විට විවේක ගැනිම වෙනුවට සුලු ව්‍යායාමයක් කරන්න. වෙහෙස අඩුවනවා. මානසික සෞඛ්‍ය වැඩි කරනවා. එය ඔබ වඩාත් ප්‍රීතිමත් පුද්ගලයෙකු බවට පත්වෙනවා. ඒ වගේම විශාදය, කාන්සාව, සහ මානසික පීඩනය තත්වයන් අවම කරමින් සුව මනෝ භාවයක් ඇති කරනවා.
ව්‍යායම මොලයේ ක්‍රියාකාරීත්වය වැඩි කරන අතර එය සිදුවන්නේ මොලයට ක්‍රමවත් ලෙස රුධිර සැපයීම සහ ඔක්සිජන් සැපයීම ව්‍යායාම් මගින් නිසි ලෙස ඉටුවන නිසා. මතක ශක්තිය අඩුවීමේ රෝගය වගේම හින්නෝන්මාදය වැනි රෝගී තත්වයන් සෑදීමේ අවදානම අවම වනවා.
ව්‍යායම්වල යෙදීමෙන් මාංශපේශී මගින් ඇමයිනෝ අම්ල අවශෝෂණය වැඩි කරනවා. එයින් මාංශපේශී වර්ධනය වී ඒවාට අනතුරු සිදුවීම අවම කරනවා. ඒ වගේම අස්ථිවල ඝනත්වය වැඩිවීම නිසා පසුකලකදී ඔස්ටියෝපොරයිසිස් රෝගී තත්වය ඇතිවීම අවම කරනවා.
ව්‍යායාම් කරනවිට නිපදවෙන ප්‍රති ඔක්සිකාරක මගින් සම ආරක්ෂා කරනවා. නව සෛල නිපදවීම වේගවත් වනවා. වයස්ගත වීම ප්‍රමාද කරවනවා.
සිරුර සැහල්ලුවට පත්වන නිසා මනසට විවේකයක් ලැබෙනවා. එය සුව නින්දකට හේතු වනවා.
සමහර පිළිකා සඳහා ඇති අවදානම අවම කරන අතර දුම්බීමට වැනි පුරුදු සඳහා ඇතිවන ආශාවන් අවම කරනවා.
දිනකට විනාඩි 30 බැගින් අවම ලෙස දවස් 5ක් වත් කල යුතුයි. පිහිනීම, ඇවිදීම, වේගයෙන් ඇවිදීම, එකතැන දිවීම, නැටීම, ආදී ව්‍යායම් සුදුසුයි. සතියකට දින 2ක් මාංශපේශී ශක්තිමත් කරන ව්‍යායාම් සඳහා යොමුවීම සුදුසුයි. බර එසවීම, ක්‍රීඩා යන්ත්‍ර මගින් කරන ව්‍යායාම්, මේ වෙනුවෙන් සුදුසුයි. දින දෙකකට වඩා ව්‍යායාම් නොකර සිටීමත් සුදුසු වන්නේ නැහැ.
– චම්මි –
Saru FM Media
