ශ්‍රී ලංකාවේ ආර්ථීකය අපේක්ෂා කළ ප්‍රමාණයට වඩා ශක්තිමත්ව යථා තත්ත්වයට පැමිණෙමින් සිටින බව ලෝක බැංකුව නිවේදනයක් නිකුත් කරමින් පවසනවා.
එහි දැක්වෙන්නේ ජනගහනයෙන් තුනෙන් එකක් පමණ තවමත් දරිද්‍රතාවයේ පසුවන බව හෝ නැවත දරිද්‍රතාවට පත්වීමේ අවදානමක සිටින බවයි.
ලෝක බැංකුවේ ශ්‍රී ලංකා අංශ අධ්‍යක්ෂ ඩේවිඩ් සිස්ලන් මහතා මේ බව සඳහන් කර සිටිනවා.
ලෝක බැංකුවේ ද්වි-වාර්ෂික SRI LANKA DEVELOPMENT UPDATE වාර්තාව ප්‍රකාශයට පත්කරමින් ශ්‍රී ලංකාවේ ප්‍රගතිය සම්බන්ධයෙන් වූ විස්තරය මාධ්‍යය වෙත මුදා හැර තිබෙනවා.
ශ්‍රී ලංකාවේ ආර්ථිකය 2024 දී කැපී පෙනෙන ප්‍රකෘතියක් ලබා ඇති අතර, කලින් පුරෝකථනය කළ සියයට 4.4 ක ආර්ථික වර්ධන වේගයට සාපේක්ෂව සියයට 5ක වර්ධන වේගයක් වාර්තා කරමින් වර්ධන අපේක්ෂාවන් ඉක්මවා ගොස් ඇති බව එම වාර්තාවේ සඳහන්.
මෙම වර්ධනයට කර්මාන්ත හා සේවා, විශේෂයෙන් ඉදිකිරීම් සහ සංචාරක ආශ්‍රිත සේවාවන්හි ශක්තිමත් කාර්ය සාධනය හේතු වී ඇති බව ලෝක බැංකුව නිකුත් කරන ලද මෙම වාර්තාවෙහි වැඩිදුරටත් සඳහන්.
Saru FM Media
