නීති විරෝධී ලෙස රාත්රී කිමිදුම් කටයුතු සිදු කරමින් මුහුදු කූඩැල්ලන් ඇල්ලූ පුද්ගලයින් දස දෙනෙකු සමඟ මුහුදු කූඩැල්ලන් එක්දහස් දෙසීය තිස් දෙකක්, ඩිංගි යාත්රා තුනක් සහ කිමිදුම් උපකරණ නාවික හමුදා භාරයට ගෙන තිබේ.
ඒ, කිලිනොච්චි ඉරණතිව් බටහිර මුහුදු ප්රදේශයේ අද (23) දින අලුයම් කාලයේ සිදු කළ විශේෂ සෝදිසි මෙහෙයුමක් මඟිනි.
එම ප්රදේශයට ඔබ්බෙන්වු බටහිර මුහුදු ප්රදේශයේ සිදු කළ මෙම විශේෂ සෝදිසි මෙහෙයුමේදී, සැකකටයුතු ඩිංගි යාත්රා තුනක් නාවික හමුදාව පරීක්ෂාවට ලක් කර ඇත.
එහිදී, අවුරුදු 29ත් 54ත් අතර වයසේ පසුවන මන්නාරම පල්ලමුනේ ප්රදේශයෙහි පදිංචි මෙම සැකකරුවන් අත්අඩංගුවට ගත් බව නාවික හමුදාව සඳහන් කරයි.
එම සැකකරුවන්, මුහුදු කූඩැල්ලන් තොගය, ඩිංගි යාත්රා සහ කිමිදුම් උපකරණ ඉදිරි නීතීමය කටයුතු සඳහා කිලිනොච්චි ධීවර පරීක්ෂක කාර්යාලය වෙත භාරදීමට කටයුතු කර ඇත.
Saru News
