පාතාල කල්ලි නායක මාකඳුරේ මදූෂ් කොළඹ අපරාධ කොට්ඨාසය භාරයේ සිටියදී නාඳුනන තුවක්කුකරුවන් දෙදෙනෙකු විසින් වෙඩි තබා ඝාතනය කිරීමේ සිද්ධිය සම්බන්ධයෙන් අපරාධ පරීක්ෂණ දෙපාර්තමේන්තුව විමර්ශනයක් ආරම්භ කර තිබේ.
ඒ අනුව මදූෂ් ඝාතනය වූ දින ඔහුව මාලිගාවත්තට රැගෙන ගිය නිලධාරීන්ගෙන් ඉදිරියේදී ප්රකාශ ලබාගැනීමට නියමිත බව ද අපරාධ පරීක්ෂණ දෙපාර්තමේන්තුව පවසයි.
2020 වසරේ ඔක්තෝබර් 20 වැනිදා පාතාල කල්ලි නායක මාකඳුරේ මදූෂ් මාලිගාවත්ත ප්රදේශයේදී නාඳුනන තුවක්කුකරුවන් දෙදෙනෙකු විසින් වෙඩි තබා ඝාතනය කෙරිණි.
ඒ ඔහු විසින් ලබාදුන් තොරතුරකට අනුව මත්ද්රව්ය තොගයක් සිය භාරයට ගැනීමට කොළඹ අපරාධ කොට්ඨාසයේ නිලධාරීන් මදූෂ්ව එම ප්රදේශයට රැගෙන ගිය අවස්ථාවේදීය.
ඒ අනුව අදාළ ඝාතනය සම්බන්ධයෙන් විමර්ශනයක් සිදු කරන ලෙස ඉල්ලා මාකඳුරේ මදූෂ්ගේ සහෝදරයෙකු විසින් මහජන ආරක්ෂක අමාත්යාංශයේ ලේකම්වරයා වෙත ඉල්ලීමක් කර තිබුණි.
අනතුරුව ඒ සම්බන්ධයෙන්වන විමර්ශන පොලිස්පතිවරයා විසින් අපරාධ පරීක්ෂණ දෙපාර්තමේන්තුවට යොමුකර ඇත.
පසුව ඒ පිළිබඳව කොළඹ මහේස්ත්රාත් අධිකරණයට කරුණු වාර්තා කිරීමෙන් අනතුරුව කොළඹ අධිකරණය වෛද්ය නිලධාරියාගෙන් ප්රකාශයක් ලබා ගැනීමට හා මාධ්ය ආයතනවලින් අදාළ ඝාතනය සම්බන්ධයෙන් වන දර්ශන ලබාගැනීමට නියෝගයක් ලබාගෙන ඇති බව ද පොලිසිය පැවසීය.
Saru News
