‘මුතු කිරිල්ලී’ ටෙලියෙන් කවදාවත්ම අමතක නොවන මිහිරිතම මතකයක් ආලින්දයේ සිනමාවට අරගෙන ආව නෙහාරා පීරිස් තමයි මෙදා ‘හාට්’ එකට රසවත් ඕපාදූප ටික ගෙනාවේ. Sri Lanka Latest News
නෙහාරා කියන්නේ කොහොමත් බොහොම සුන්දර වූ සරල චරිතයක්. බොරු ආඩම්බරකම් ලොකු සීන් කවදාවත් එයා ළඟ තිබුණෙ නැහැ. පත්තරේට කතාබහක් ගන්න කතාකළාමත් වෙලාව තියෙනවා නම් නිහතමානීව ඈ එයට අවස්ථාව දෙනවා. පුංචි අතපසුවීමක් වුණත් මාධ්‍යයට ‘සොරි අනේ තරහා වෙන්න එපා… ෆෝන් එක චාර්ජ් එකේ තිබුණේ’ කියන තරමට මේ හැඩකාර ටෙලි නිළිය විනයගරුක වුණු තැන් ඕනෑ තරම්.
විදේශගතව පදිංචියට ගියත් හැමදාමත් තවමත් ඇය ප්‍රේක්ෂක හිත්වල ‘ඉමේජ්’ වෙලා ඉන්නෙත් ඒ සරල ලයිෆ් ස්ටයිල් එක හින්දයි. ඇගේ යූටියුබ් චැනල් එකත් ශ්‍රී ලාංකේය රසිකයන් අතර හුඟක් ෆේමස්. මේනක සහ පුංචි දරු පැටව් දෙන්නා එක්ක ගෙවන නෙහාරාගේ ෆැමිලි ලයිෆ් එක හුඟාක්ම සතුටුදායකයි කියලා ඈ නිතරම කියන කතාවක්.
දසදහස්වර ඈට හිතෙනවලු ‘අනේ මේනක මගේ පළමු විවාහය වුණා නම්, ඒක කොයි තරම් දෙයක්ද…’ කියලා. ඒ අතරම හැම කෙනකුටම ජීවිතේ වරදින තැන් තියෙනවා. මටත් ඒක එහෙම වෙන්න ඇති කියලා ඈ හිත හදාගන්නවලු.
නෙහාරා ටෙලි ෆීල්ඩ් එකට ආවෙත් වාසනාව දෝතින්ම අරගෙන. ‘මුතු කිරිල්ලී’ කොටසක් දෙකක් ටීවී එකේ යනකොටම දැන්වීම්වලට නිරූපණ කලාවට ඇයට නිතර ආරාධනා ආවා. තරුණ හිත්වල උමතුවක් වෙච්ච ශිහාන් මිහිරංගගේ ‘මිහිරාවියේ’ මියුසික් වීඩියෝව කළා විතරයිලු ඇයට මහ ගොඩක් මියුසික් වීඩියෝස්වලට ආරාධනා ආවලු. හැබැයි දොඩම් ගොඩක් එක පාර බදාගන්න කලාවට ඈ මනාප නැති නිසා ඒ ආරාධනා හැම එකක්ම භාරගන්න ඇය ඉක්මන් වුණේ නැහැයිලු. ඒකට හේතුව වුණේ නෙහාරා ඕනෑවට වඩා බිසී වෙන්න අකැමැති රිලැක්ස් කෙනෙක් නිසයි.
අතේ ඇඟිලි ගානටත් වැඩිය අඩුවෙන්ද මන්දා ටෙලිවල රඟපෑවත්, නෙහාරා රසික හිත්වල තවමත් ජනප්‍රියයි. එයාගේ යූටියුබ් එක බලන ආදරණීය කමෙන්ට්ස් දාන රසිකයන් මේ හැටි ඉන්නෙත් ඒක වෙන්නැති. එක්කෙනෙක් දෙන්නෙක් පරණ කතා ඇදලා අරන් කුහකකමට අමුතු අමුතු කමෙන්ට්ස් දැම්මට ඇගේ ලස්සන ෆැමිලි ලයිෆ් එකට ආශීර්වාද කරන අය දසදහස් ගණනක් ඉන්නවා කියන එක එයාගේ යූටියුබ් එක බලන රසිකයන් දන්නවා. ඒ හින්දම ඔන්න අපිත් නෙහාරාගේ ලස්සන ෆැමිලි එකට ‘හාට්’ එකෙන්ම විෂ් කරනවා.
මල්මි කෞෂල්‍යා
Saru FM Media
