ඕනෑම පවුලකට අලුතෙන් දරුවෙකු එකතු වීම කෙතරම් සතුටක්ද කියලා අමුතුවෙන් කිව යුතු නැහැ.සියලුම දෙනාගේ ආදරය අවධානය අලුත උපන් පුංචි බිලින්දා වෙතට යොමු වෙනවා.දරුවාගේ සැප පහසුව ගැන වගේම සෞඛ්‍ය ගැන වදවෙන්න බොහෝ පිරිසක් ඉදිරිපත් වෙනවා.මේ සියලු දේවල් අතරින් ඉතාමත් වැදගත් ,අවධානයක් අවශ්‍ය ජීවියෙකු මගහැරෙනවා.ඒ දරුවාගේ අම්මා.
ඔබ ,දරුවකු බිහි කළ කාන්තාවක් නම් දරුවකු බිහි කිරීමේ කාර්යය ගැන අමුතුවෙන් කිව යුතු නැහැ .එය ඔබේ ජීවිතය කායිකව මෙන්ම මානසිකව කෙතරම් වෙනසකට ලක් කරනවා දැයි අමුතුවෙන් කිව යුතු නැහැ.
ඉතින් දරුවකු ලැබුණ අලුත සියලු දෙනාගේම අවධානය දරුවා වෙතට යොමු වෙනවා මිස දරුවා බිහිකළ කාන්තාව වෙතට යොමුවෙන්නේ ඉතාමත් අඩුවෙන්.මෙය ඉතාමත් ශෝචනීය තත්ත්වයක් වන්නේ දරුවෙකු බිහි කිරීම නිසා ඇතිවන කායික මානසික විපර්යාසය සමගම මවට විවිධ මානසික සංකූලතා ඇති වීමේ හැකියාව වැඩිවීමයි.එම නිසා දරුවා තරමටම අලුත් මව කෙරෙහිත් අවධානය යොමු විය යුතුමයි. එය පවුලේ සැමගේම යුතුකමක් වෙනවා.
දරුවා බිහි වී සති දෙක තුනක් ඇතුළත මානසික ව්‍යාකූලතා ඇතිවීම හරිම සාමාන්‍යයි.එම කාල පරාසය වසරක් දක්වා දික් වෙන්නටත් පුළුවන් .ශ්‍රී ලංකාවේ වගේම ලොවපුරා මව්වරුන් පසු ප්‍රසූති විශාදයට ලක් වෙනවා.
නමුත් ,පවුලේ අයගේ ආදරය,අවධානය ,අවබෝධය තිබේ නම් එය 100% අවම කර ගැනීමේ හැකියාව තිබෙනවා.
දරුවෙකු බිහි වීමෙන් පසු කාන්තාවක තුළ මේ වෙනස්කම් ඇතිවෙනවාදැයි සැලකිල්ලෙන් සිටින්න .
මෙවැනි තත්ත්වයන් ඇති නොවීමට පෙර අවබෝධය සහිතව ක්‍රියා කිරිම සුදුසු වෙනවා .ගැබිනි සමයේදීම සායනවලින් සහ තමන් ස්වයංව කියවා ලබා ගන්නා අවබෝධය හරිම වැදගත් .මෙහිදී සැමියා ට කිරීමට ඇති කාර්යභාරය හරිම වැදගත්.
Saru FM Media
