අලුත් පාසල් වාරයක් විතරක් නොවෙයි, අලුත් පංතියක්… අලුත් පංතියේ වැඩ මුල පටන්ම ආරම්භ කළොත් කිසිම කරදරයක් නැතුව අවුරුද්ද අවසානයේ විතරක් නොවෙයි, කඩඉම් විභාග වුනත් පහසුවෙන්ම ජයගන්න පුලුවනි. මේ නිසා දෙමව්පියන් විදිහට දරුවාගේ අධ්‍යාපනයට සහයෝගය ලබා දෙන්න. එවිට ඔබේ දරුවා අධ්‍යාපනයට ඇල්ල බැල්ම ඇති දරුවෙක් බවට නොදැනීම පත් වේවි.
අපි කිසිම කෙනෙක් නිරතම ඇනුම් බැණුම් මැසවිලි අහන්න කැමැති නැහැ. දරුවන්ටත් මේ තත්වය සාධාරණයි. ඒ නිසා නිතරම පාඩම් කරනන් යන විධානයට වඩා ඉගෙනීමේ අගය දරුවාගේ හදවතට ඒත්තු ගන්වන්න. අද දවස ඉගෙණුම වෙනුවෙන් කැප නොවුනොත් හෙට දවස ඔවුන් බලාපොරොත්තු වෙන ලෝකයට යෑම අපහසු බවත් සෙමින් සීරුවට කියා දෙන්න.
දරුවන්ගේ නිර්මාණශීලීත්වය සැගවී තිබෙන්නේ ඉතාම සියුම් අපිට නොපෙනෙන විදිහටයි. නිවසේ ඇති මෝටර් රථයේ දෝෂ ඔබට වඩා දරුවා දනන්වා ඇති. එවන් අවස්ථාවලදී දරුවාටත් යම් තක්සේරුවක් ලබා දෙන්න. දරුවාගේ පැවරුම් වෙනුවෙන් ඔබත් සහයෝගය ලබා දෙන්න. අවශය පොත් පත් සහ කරුණු පමණක් නොව අමුදද්‍රව්‍ය පවා සපයා දෙන විට එවැනි අධ්‍යන කාර්යන් වෙනුවෙන් දරුවාට නොදැනීම ධෛර්යක් ලැබෙනු ඇති.
අපි නොදකින විදිහට ඉගෙනුම් කටයුතු තුළ දරුවාටත් හැලහැප්පීම් ඇති. සමහර විෂයන් ඔහුට ගැටලු සේ දැනෙනවා මෙන්ම පෙනිම, ඇසිම සහ තේරුම් ගැනීමේ දෝෂ පවතිනන් පුලුවනි. නිතරම ලකුණු වෙනුවෙන් ඔට්ටු නොවී දරුවාට ඇති අපහසුතාවයන් ගැනත් විමසා දැන ගන්න. එවිට මුලින්ම මේ ගැටලු වලට පිලියම් ලැබුනොත් දරුවාට ඉදිරියට යෑම එතරම් අපහසුවක් වෙන්නේ නැහැ.
කියවීම මිනිසා සම්පූර්ණ පමණක් නොව සර්ව සම්පූර්ණ මිනිසෙක් බවට පත් කරනු ඇති. ඒ නිසා නිතරම අතිරේක කියවීම් වෙනුවෙන් පොත් ,පත් සඟරා ලබා දෙන්න. විද්්‍යුත් මාද්‍ය මගින් පවා ඉගෙනුමට අවශ්‍ය ඇප්, සිඩී සහ වෙනත් විවිධ මෘදුකාංග අද තිබෙන නිසා ඒවා වුනත් දරුවාට ලබා දීමෙන් ඔවුන්ගේ දැණුම් වපසරිය පුලුල් කිරීම ඉතා පහසුවෙන් සිදු වේ. විශේෂයෙන් ධම්මපද නිදාන කථාවන් අද බාගත කර ගැනීමට තිබෙන පහසුකම් හා සමානවම වෙනත් විෂයන්ටත් තිබෙන පහසුකම් ගැන විපරම් කොට දරුවාටත් ඒ පහසුකම් සලසා දීම ඉතාම වටිනවා. එවිට ස්වයං ඉගෙනුම වෙනුවෙන් ඔවුන්ට අවස්ථාව ලැබෙනවා.
මිනිසුන් ජීවත් කරන්නේ බලාපොරොත්තු නිසා දරුවාටත් අරමුණු අනුව කටයුතු කිරීමට හුරු කරන්න. ඒත් ඉලක්ක ගොඩ නගා ගැනීමෙන් පමණක් සැහීමට පත් වෙන්න බැහැ. එය දීකිරි වෙළෙන්දියගේ සිහිනයට සමානයි. ඒ නිසා දරුවා ගොඩ නගා ගත් ඉලක්කයට සෙමෙන් සීරුවට සම්බන්ධ වීමට අවශ්‍ය මාර්ගය පාදා දීමටත් ඔබට සහයෝගය දක්වනන් පුලුවනි.
දරුවාගේ සාර්ථකත්වයක් දකින විට එය අගය කරන්න. ඔබේ ඇගයීම නිසා දරුවා විශාල ශක්තියක් ලබනු ඇති. නිවරැදි දෙයට “හරි” ලකුණ තරු සහ හිනා මුහුණු දරුවාගේ ප්‍රගමනය වෙනුවෙන් යොදා ගත් සරල උපක්‍රමයකි. මේ නිසා නිතරම කිසියම් සංවර්ධනයක් වෙතොත් එම ඇගයීම දරුවා දිරිගැන්වීමට හේතු වෙන බව අමතක නොකරන්න.
ඒ වගේම දරුවාගේ දුර්වලතාවයන්ට දොස් නැගීමත් එතරම් සුබවාදී නැහැ.පොතක වැරැදි ලකුණට , පංති මට්ටමින් ලකුණු අඩු වුන විට දොස් නගනන් එපා. ඒ පසුගාමීත්වයට හේතුව කුමක්දැයි සොයා ගන්න. එයින් අනතුරුව සොයා ගත් හේතුව වෙනුවෙන් පහසුකම් සලසා දෙන්න.
දරුවන්ගේ ඉගෙණුම් පුරුදු එක් එක් අයට වෙනස්. ඇතැම් දරුවන් සවන්දීමෙන් බොහෝ දේ උගනී. ඇතැම් දරුවන් කෙටි සටහන් තබා ගනිති. තවත් අය එලිමහනේ පාඩම් කටයුතු කිරීමට කැමැත්තක් දක්වති. මේ අන්දමින් සාර්ථක ක්‍රම දරුවාට සොයා ගැනීමට ඉඩ දෙන්න.
සමහර විට දරුවාගේ ඉගෙණුමට බාධාව ඔවුන් ජීවත්වෙන නිවසේ නම් ඒ ගැනත් යම් අවධානයක් දැක්වීම ඉතා වැදගත්. අම්මාගේ නාට්‍ය… තාත්තාගේ සංවාද සහ වෙනත් වැඩසටහන් නිසා දරුවාට පාසලේ වැඩ කටයුතු වුනත් නිදහසේ කර ගැනීමට නොහැකි පරිසරයක් ඇති වීමට පුලුවනි. රාත්‍රි ආහාරය වුනත් කල් තබා සකස් කර දීම වැනි පහසුකම් පවා ඔබට දරුවාගේ ඉගෙණුමට විශාල පිටුවහලක් වේවි. බොහෝ නිවෙස්වල රාත්‍රි ආහාරය ප්‍රමාද වෙන විට දරුවාට අදාල කටයුතු කිරීමට අපහසු වෙනු ඇති.
දරුවා ඇසුරු කරන සමාගම අනුවත් ඉගෙනුමට තිබෙන අනන්දුව අවදානය නැති වීමට පුලුවන්. ඒ නිසා නිතරම දරුවා ඇසුරේ සිටින සමවයස් කණ්ඩායම් ගැනත් සොයා බලන්න. එවන් නොමග යෑම් වලින් දරුවා මුලින්ම මුදවා ගැනීම ඉතාම වැදගත්.
දරුවන් පොත පතටම ඇලී ගැලී සිටිය යුතු යැයි දෙමව්පියන්ගේ සිතුවිල්ල වුනත් එය සාධාරණ නැහැ. ඔවුන්ට නිදහසේ ජීවත්වීමට අවසර දෙනන්. ශිෂ්‍යත්වය, සාමාන්‍ය පෙළ, උසස් පෙළ ලියන දරුවන් නිවසේ සිරකරුවන් බවට පත් වෙන බව නොරහසක්. ඒත් දරුවන්ටත් සාමාන්‍ය ජීවිතයක් ගත කිරීමට ඉඩ දෙන්න.
Saru FM Media
