ලිපියේ අරමුණ සහ පසුබිම
පසුගිය අප්‍රේල් 02 දින ඇමෙරිකානු ජනාධිපති ඩොලන්ඩ් ට්‍රම්ප් විසින් ඇමෙරිකාවට ආනයනය කෙරෙන භාණ්ඩ සඳහා නව තීරු බදු ප්‍රතිපත්තියක් එළි දැක්වූ අතර එය ඊයේ (අප්‍රේල් 09) දින සිට ක්‍රියාත්මක වීමට නියමිත විය. එම තීරු බදු ප්‍රතිපත්තිය කොටස් තුනකි.
එහෙත්, ඊයේ දින එම තීරු බදු ප්‍රතිපත්තියේ සැලකිය යුතු සංශෝධනයක් කරන ලදි (වීඩියෝව මෙතනින් බලන්න).
මෙම දින 90 ක කල් දීමට හේතුව ලෙස දක්වා ඇත්තේ, දැනට පනවා ඇති ප්‍රති තීරු බදු නැවත සංශෝධනය කිරීම නොව, ඒ ඒ රටවල් සමඟ වූ ඇමෙරිකානු වෙළෙඳ හිඟය ශුන්‍යය දක්වා පහළ දැමීමේ වැඩපිළිවෙලවල් සාකච්ඡා කිරීම බව යි.
එබැවින්, මෙම ලිපියේ අරමුණ වනුයේ, ඇමෙරිකානු තීරු බදු ප්‍රතිපත්තියට ප්‍රතික්‍රියා දැක්වීමේ දී උපකාරී විය හැකි පසුබිම් කරුණු කිහිපයක් පැහැදිළි කිරීම යි.
තීරු බදු යනු හුදෙක් ආර්ථික විෂයක් නොව, ගෝලීය භූදේශපාලනික සංසිද්ධියක් බැවින් රටවල් අතර තීරු බදු ගැටුම් විසඳා ගැනීම කළ යුත්තේ දේශපාලනික සංහිඳියාවෙන් පමණි. ඊට හේතුව, ගෝලීය භූදේශපාලනය තුළ ඇමෙරිකාව වැනි ලෝකයේ බලවත් රටක තීරු බදු ප්‍රතිපත්තියට එරෙහිව සටන් කිරීම යනු තම හිස ගලක ගසා ගැනීම වැනි ක්‍රියාවක් බැවිනි. එබැවින්, නොයෙකුත් විශ්ලේෂණයන් කිරීම හැර මීට විසඳුම් මාර්ගයන් ඉදිරිපත් කිරීමට ආර්ථික විද්‍යාඥයන්ට හැකියාවක් නොමැත.
තීරු බදු යනු කුමක් ද? එය ගෙවන්නේ කවුරු ද?
තීරු බදු යනු රටකට පිටරටවලින් ආනයනය කරන භාණ්ඩවලට රජය විසින් වරායේ දී අය කරන බද්ද යි. එය භාණ්ඩ ආනයන කරු විසින් ගෙවූව ද, එය පසුව පාරිභෝගිකයාට පැටවෙනු ඇත. ඊට හේතුව, ආනයනිත භාණ්ඩවල දේශීය මිල ගණන්වලට තීරු බදු වියදම එකතු කරන බැවිනි.
ට්‍රම්ප්ගේ තීරු බදු ප්‍රතිපත්තියේ පදනම කුමක් ද?
රටවල් විසින් කලින් කලට පනවන තීරු බදු හුදෙක් අත්තනෝමතික ඉලක්කම් ය. එම ඉලක්කම් බොහෝ දුරට රටවල් අතර පවතින දේශපාලනික මිතුදම සහ අදාළ වෙළෙඳ භාණ්ඩයන්හි දේශීය ආර්ථිකයට ඇති වැදගත්කම මත රඳා පවතී.
Saru FM Media
