2025 IPL ක්‍රිකට් තරගාවලිය යටතේ පැවැත්වෙන 13 වැනි තරගය අද (01) රාත්‍රියේ දී ලක්නව් නුවර දී ආරම්භ වුණා.
ඒ ලක්නව් සුපර් ජෑන්ට්ස් සහ පන්ජාබ් කින්ග්ස් අතර යි.
තරගයේ කාසියේ වාසිය දිනූ පන්ජාබ්වරුන් පළමු ව පන්දුවට පහරදීමේ අවස්ථාව ලක්නව් වෙත හිමිකළා.
ආරම්භයේ සිට ම ඇතැම් විට මන්දගාමීත් ඇතැම් විට ප්‍රවේගකාරී ඉනිම් දියත් කරමින් ලක්නව් කණ්ඩායම පන්දුවාර 20 අවසානයේ කඩුලු 07ක් දැවී ලකුණු 171ක් ලබා ගත්තා.
එහිදී සිය කණ්ඩායම වෙනුවෙන් ලක්නව් සුපර් ජෑන්ට්ස් වෙනුවෙන් වැඩිම ලකුණු ලැබුවේ නිකොලස් පූරාන් (44) විසින්.
කඩුලු බිඳ දැමීමේ දී පන්ජාබ්වරුන් වෙනුවෙන් අර්ෂදීප් සින්ග් ලකුණු 43කට කඩුලු 03ක් බිඳ දැමුවා.
ලොකී ෆර්ගසන්, ග්ලේන් මැක්ස්වෙල්, යුෂ්වෙන්ද්‍ර චහල් සහ මාර්කො ජැන්සන් විසින් එක් කඩුල්ල බැගින් බිඳ දැමීමට සමත් වුණා.
ඒ අනුව අද තරගය ජය ගැනීමට පන්ජාබ්වරුන්ට හිමි වූ ඉලක්කය ලකුණු 172ක්.
Saru FM Media
