ජනක්‍රිඩාවන් කළ එළි දකින සිංහල අලුත් අවුරුද්ද..
සිංහල අලුත් අවුරුද්ද කිව්වාම ජන ක්‍රිඩා කළ එලි බහින යුගයක්. නමුත් අද සමාජ රටාව අනුව ජන ක්‍රිඩා වෙනුවෙන් කාලයටත් වඩා අවස්ථාවත් අඩුයි. බොහෝ දෙනා තුළ ජන ක්‍රිඩා ගැන වැටහීමකුත් නැහැ. ඒ නිසා අද අපේ පුංචි පැටව් ජන ක්‍රිඩාවන් ගැන කිසිදු දැනුමක් වගේම ඇල්මක් දක්වන්නේත් නැහැ. ඉතින්..මේ පුංචි පැටව් හෙට දවසේ අපේ අනාගතය බාර ගත් දිනයකදී ජන ක්‍රිඩා ගැන කිසිදු දැනුමක් නොමැති පිරිසක් බවට පත් වෙන්නත් පුලුවනි.
ජන ක්‍රිඩාවන් කියන්නේ…
යම් ජන කොට්ඨාශයකගේ සංස්කෘතියට ගැලපෙන ලෙස නිර්මානය වී තිබෙන ක්‍රිඩාවන් ජනක්‍රිඩා ලෙසින් හැදින්වෙනවා.ජනක්‍රිඩාවන්ට ආවේනික ලක්ෂණ කීපයකුත් තිබෙනවා.
ඒ වගේම ජන ක්‍රිඩාවන් ගෘහස්ථ සහ එළිමහන් ලෙස කොටස් දෙකක්ට බෙදෙනවා.
ගෘහස්ථව සිදු කරන ක්‍රිඩාවන්…
මේ අතර එලිමහනේ සිදු කරන ක්‍රිඩාවන් කීපයක්ද තිබෙනවා..
ජන ක්‍රිඩාවන්හි යෙදීමෙන් ඇති වෙන වාසි…
ජන ක්‍රිඩාවන්හි යෙදෙන විට සිදු වෙන ශාරිරික ක්‍රියාකාරිත්වය බෙහෙවින් වටිනවා. අද කාලයේ සිරුරට අවශ්‍ය ව්‍යායාම වෙනුවෙන් ජිම් ආයතන සොයන යුගයක සිංහල අලුත් අවුරුදු කාලයේදී ජන ක්‍රිඩාවක යෙදීමෙන් වඩාත් වාසි ලබන්න පුලුවනි.උදාහරණයක් ලෙස ජන ක්‍රිඩාවක යෙදෙන විට ශාරිරිකව ඇති වෙන දිවිම, පැනීම. උඩ පැනීම වැනි ස්වයංක්‍රියව ඇති වෙන ඉරියව් නිසා කිසිදු වෙහෙසෙක සිතට නොදැනීම ව්‍යායාම ලබා ගන්න පුලුවනි.
ජන ක්‍රිඩාවන්හි යෙදන විට බොහොම සතුටක් ඇති වෙනවා.මේ කාලයේදී හැම දෙනෙකුම වාගේ සතුටින් සැහැල්ලුවෙන් කාලය ගෙවන නිසා ජන ක්‍රිඩාවන්හි යෙදීමෙන් සතුටක් ලබන්න පුලුවනි.
ජන ක්‍රිඩාවන් සමග සෞන්දර්ය අනිවාර්යෙන් බැඳී තිබෙනවා. ඔන්චිල්ලාවකදී වාරම් කවි ගයන්න..රබන් ගැසීමේදී ඇති නාද රිද්මය…මේවර කෙළිය…එළුවන් කෑම…වැනි ක්‍රිඩාවන්හිදී සිදු වෙන ගායනීය බව නිසා සෞන්දර්යාත්මකවත් ඇති වෙන ප්‍රබෝධය ජනක්‍රිඩාවකින් ඔබ ලබන තවත් අතිරේක වාසියක් ලෙස පෙන්වා දෙන්න පුලුවනි.
ඕනෑම ජයග්‍රහණයක් වෙනුවෙන් කණ්ඩායමක් ලෙසින් අපේ සංවිධානාත්මක බව වැදගත්.ජන ක්‍රිඩාවක් සමග සම්බන්ධව තිබෙන මෙම ලක්ෂණය නිසා සාමුහිකත්වය නොදැනීම සමාජය තුළ වගා වෙනවා. එකමුතුව ජයග්‍රහනයේ එකම මාර්ගය බැව් දන්නා නිසා ඔවුන් අතර ඇති සාමුහිකත්වය ක්‍රිඩාවේ ජයග්‍රහණයට හේතු වෙන බැව් දන්නා නිසා එකමුතුව කටයුතු කිරීමේ ගති පුරුදු දරුවන් තුළ වුනත් ගා වීමට ජනක්‍රිඩාවන්ට සහභාගී වීම ඉතාම වැදගත්.
ජන ක්‍රිඩා හැමදාමත් නැහැ..
ජනක්‍රිඩා කළ එළි දකින්නේ සිංහල අලුත් අවුරුදු කාලයට නිසා දරුවන්ට ඒ ගැන යම් අවබෝධයක් ලබා දීම ඉතාම වැදගත්.ඔබට ඒ වෙනුවෙන් වටපිටාවක් නැති බව ඇත්ත..එක්රැස්වීමටත් වසංගත කාලයේ නොහැකි බවත් අපි පිලිගන්නවා.එහෙත්..දරුවන්ට ගෘහස්ථව හෝ ක්‍රිඩා කිරීමට පරිසරයක් සාදා දීම ඉතාම වැදගත්. ශක්තිමත් තැනක ඔන්චිල්ලාවක් සාදා දෙන්න…පංච පෙතක් ගෙනැවිත් දී සෙල්ලම් කරන්න අවස්ථාව ලබා දීම…වැනි ක්‍රිඩාවන්ට දරුවන්ට හදුන්වා දීමට මේ කාලය තරම් ගැලපෙන පරිසරයක් තවත් නැහැ.
ජන ක්‍රිඩාවන්ට සම්බන්ධ ඉතිහාසය කියා දෙන්න..
ජනප්‍රවාදයට අනුව ගජබා රජතුමා සොළී රටට පැහැර ගෙන ගිය සිංහල සේනාවට පොළිය ලෙස සොළී රටෙන් දොළොස් දහසක් සෙනග රැගෙන එන ලදී . මෙම ගමනේදී පත්තිනි දේවියගේ සලඹද රැගෙන එන ලදී . . මේ සමගම පංච කෙළිය වැනි ක්‍රිඩාවන්ද මෙරටට සම්ප්‍රාප්ත වන්නට ඇතැයි අපේක්ෂා කෙරේ . සිංහල අලුත් අවුරුදු කාලයට කල එලි දකින මෙම ක්‍රිඩාවට සම්බන්ධ වීමෙන් පත්තිනි දේවියගේ ආශිර්වාදය තමන් වෙතට ලැබෙනු ඇතැයි අපේක්ෂා කරයි .
පත්තිනි දේවිය සහ පාලඟ කුමරු සම්බන්ධව ගොඩ නැගී ඇති මෙම ක්‍රිඩාවේදී වැස්ස සහ සශ්‍රිකත්වය බලාපොරොත්තු වේ .උණ රෝග , ගව සහ කුකුළු වසංගත නියඟය වැනි අවස්ථාවන්ගෙන් සහනය අපේක්ෂා කළේ පොර පොල් ක්‍රිඩාවෙන්ය .
පත්තිනි දේවිය වෙනුවෙන් සිදු කරන මෙම ක්‍රිඩාවේදී පත්තිනි දේවිය සහ පාලඟ කුමරුගේ කතාව ගායනයෙන් ඉදිරිපත් කරයි .වර්ෂාව බලාපොරොත්තුව සිදු කරණ මෙම ක්‍රිඩාවේ උද්වේගකර අවස්ථාව අනුව ගීයේ ස්වභාවය වෙනස් වේ .
පත්තිනි දේවිය මුල් කර ගත් ක්‍රිඩාවන් දොලහක් ඇති අතර එයින් මුල්ම ක්‍රිඩාව අං කෙලියයි . සොලි වංශයේ මායා රජුට සිටි පාළභ නම් කුමරු පත්තිනි දේවිය සමග විවාහ විය .දිනක් මේ දෙදෙනා උයනට ගිය විට සපුමල් සුවඳක් දැනෙන්නට විය .අවාරයේ දැනෙන සපුමල් සුවඳඔස්සේ ගිය ඔවුන් මල් පිපි තිබුන ඉසව්ව සොයා ගන්නා ලදී .බිම සිට කඩන්නට බැරි ඉසව්වක තිබුන මල් කඩන්නට කෙකි දෙකක් කපා ගත් අතර එකක් පත්තිනි දේවිය සමග සටි පිරිසද අනෙක් කෙක්ක කුමරුන් සමග සිටි පිරිසද අතරට ලැබුණි කෙකි දෙක පැටලී අවසානයේදී පිරිමින් අතර වූ කෙක්ක බිඳී ගියෙන් මෙම සිද්ධිය සිහිපත් කරන්නට අංකෙලිය බිහි වූ බව ජනප්‍රවාදයේ සඳඳහන්ය .
සිංහල අළුත් අවුරුදු කාලයේදී දක්නට ලැබෙන කඹ ඇදීම සිංහළ ජන ක්‍රිඩාවන් අතරට ගැනෙන විශේෂිත ක්‍රිඩාවකි . මෙම ක්‍රිඩාව නාවිකයන්ගෙන් ආරම්භ වන්නට ඇතැයි සලකනු ලැබේ . මාස ගණනක් මුළුල්ලේ මුහුදු ගමනෙහි යෙදුන නැවියන් ඔවුන්ගේ විනෝදය සහ ව්‍යායාමය උදෙසා කඹ ඇදීම සිදු කළ බැව් විශ්වාස කෙරේ .
අපේ සංස්කෘතික වටිනාකම් හඳුනා ගැනීම..
පුද්ගලයෙකුගේ පැවැත්ම ඔවුන්ගේ අතීතය සමග බොහොම සම්බන්ධයි.රටක වුනත් ඉතිහාසය මගින් ජාතියක අබිමානය ගොඩ නගනවා. ජන ක්‍රිඩාවන්ට සම්බන්ධ වීම සමග දරුවන් තුළත් අපේය..අපේම ක්‍රිඩාවන්..කියන සංකල්පය නොදැනීම ගොඩ නැගෙනවා. අද හැම තැනින්ම ඇසෙන්නේ අපේ රට.. අපේ ජාතිය.. අපේ දරුවන් පිරිහෙන අන්දම ගැන දුක් ගායනා වුනත් මේ එකම රටාව කියමින් සිටිමට වඩා අපේය අපේ රට..ජාතිය යන සංකල්පය ගොඩ නගා ගැනීම ඉතාම වැදගත්.
Saru FM Media
