පසුගිය මාසයේ කාශ්මීරයේ පහල්ගම් ප්‍රදේශයේ සිදුවූ ත්‍රස්තවාදී ප්‍රහාරයෙන් පසුව ඉන්දියාව පාකිස්ථානයට එරෙහිව ගත් ක්‍රියාමාර්ග අතර ඉන්දු ජල ගිවිසුම අත්හිටුවීම ද විය. ඉන්දු ගඟ ඇතුළු අනෙකුත් ගංගා රැසකින් ජලය අවහිර කිරීමෙන් පසු දැන් පාකිස්ථානය අසරණවී ඇත. ඔවුන් මෝදි රජයෙන් මෙම තීරණය නැවත සලකා බැලීමට අයැද සිටී.
පාකිස්ථාන ජල සම්පත් අමාත්‍යාංශය ඉන්දියාවේ ජල ශක්ති අමාත්‍යාංශයෙන් ඉල්ලා සිටින්නේ මෙම තීරණය නිසා පාකිස්ථානයේ බරපතල ජල අර්බුදයක් ඇති විය හැකි බවයි.
පාකිස්ථානයේ ජල සම්පත් ලේකම් සයිද් අලී මුර්තසා ඉන්දියාවට ලියූ ලිපියේ සඳහන් කරන්නේ, “ඉන්දු ජල ගිවිසුම අත්හිටුවීම නිසා පාකිස්ථානයේ කාරිෆ් බෝග වගාවට ජලය සම්බන්ධයෙන් දැඩි අර්බුදයක් උද්ගත වී ඇත.”
මූලාශ්‍ර වලින් ලැබුණු තොරතුරු අනුව, නීති රෙගුලාසි අනුව මෙම ලිපිය ඉන්දියාවේ විදේශ අමාත්‍යාංශයට ද යවා ඇතත්, ඉන්දියාව පාකිස්ථානයේ ඉල්ලීම මේ දක්වා ප්‍රතික්ෂේප කර ඇත.
මැයි 12 වන දින රටට කළ ආමන්ත්‍රණයේදී අගමැති මෝදි පාකිස්ථානයට පැහැදිලිව පවසා ඇත්තේ රුධිරය හා ජලය එකට ගලා යා නොහැකි බවයි. ඊට අමතරව, ඔහු කියා සිටියේ ඉන්දියාව පාකිස්ථානයේ ත්‍රස්තවාදී හා හමුදා කඳවුරු වලට ප්‍රතිප්‍රහාර තාවකාලිකව අත්හිටුවා ඇති බවත්, ඉදිරි දිනවලදී පාකිස්ථානයේ සෑම පියවරක්ම ඔවුන්ගේ ආකල්පය මත තීරණය වනු ඇති බවත්ය.
“සැබැවින්ම මෙය යුද්ධයේ යුගයක් නොවේ, එමෙන්ම මෙය ත්‍රස්තවාදයේ යුගයක්ද නොවේ. ත්‍රස්තවාදයට එරෙහිව ශුන්‍ය ඉවසීමේ ප්‍රතිපත්තිය, වඩා යහපත් ලෝකයක සහතිකයකි.”
අගමැතිවරයා තවදුරටත් පැවසුවේ, අද පාකිස්ථාන හමුදාව හා එරට රජය ත්‍රස්තවාදයට සහාය දක්වන ආකාරය දිනක් ඔවුන්ගේ රට විනාශ කරනු ඇති බවයි. පාකිස්ථානයට රැකගත යුතු නම්, ඔවුන්ගේ ත්‍රස්තවාදී යටිතල පහසුකම් පිටුදැකිය යුතුය. යනුවෙන් සඳහන් කර තිබුණි.
Saru FM Media
