හැමදාම බත් එක්ක ව්‍යාංජන කනවට වඩා විශේෂ බත් වර්ගයක් හැදුවොත් ගෙදර අය ගොඩක් කැමති වෙයි.ඒ නිසා අද අපි ඔබට කියන්න යන්නේ පහසුවෙන්ම හදා ගන්න පුලුවන් බත් වර්ග තුනක් ගැන
Garlic & Egg Rice
අවශ්‍ය වෙන්නේ මේ දේවල්
පිසගත් බත් කෝප්ප තුනක්
සුදු ලූණු බික් 10 – 15
බිත්තර දෙකක්
අමුමිරිස් කරල් දෙකක්
කොත්තමල්ලි කොල
ලුනු
ගම්මිරිස්
බටර්
හදාගන්නෙ මෙහෙමයි
- මුලින්ම සුදු ලූනු සහ අමුමිරිස් ඉතාම හීනියට චොප් කරගන්න
- පෑන් එකක් ලිප තබා එයට බටර් ස්වල්පයක් දමන්න
- බටර් දියවුනු පසු එයට චොප් කරගත් සුදු ලූණු එකතු කරගන්න
- සුදුළූණු රන්වන් පැහැ වනවිට එයට අමුමිරිස් එකතු කර විනාඩියක් පමණ මිශ්‍ර කරන්න
- මිශ්‍රණය පෑන් එකේ පසෙකට කර එයට බිත්තර දෙක එකතු කර එය බැදීගෙන එන විට තරමක් ලොකු කැබලි සිටින ලෙස කඩාගන්න
- ඉන්පසු සියල්ල හොඳින් මිශ්‍ර කර එයට පිසගත් බත් ද එකතු කර හොඳින් මිශ්‍ර කරගන්න
- අවශ්‍ය පමණට ලුණු සහ ගම්මිරිස් එකතු කර අවසානයට කුඩාවට කපාගත් කොත්තමල්ලි කොළ එකතු කරන්න.ඔබ කැමති නම් කොත්තමල්ලි කොළ වෙනුවට ලූනු කොළ එකතු කරන්නට පුලුවන්
Lemon Rice
අවශ්‍ය වෙන්නෙ මේ දේවල්
- පිසගත් බත්
- කුඩාවට කපාගත් ඉඟුරු
- කුඩාවට කපාගත් සුදු ලූණු
- ලෙමන් යුෂ
- රටකජු
- වියළි මිරිස්
- කරපිංචා
- අබ
- ලුණු
- කහ
හදාගන්නේ මෙහෙමයි
- මුලින්ම පෑන් එකක් ලිප තබා එයට තෙල් ස්වල්පයක් දමන්න
- තෙල් රත්වීගෙන එන විට අබ තේ තේ හැඳි බාගයක් පමණ එකතු කරන්න
- අබ පුපුරාගෙන එනවිට එයට රට කජු සහ වියලි මිරිස් එකතු කර මිශ්‍ර කරන්න
- ඉන්පසු සුදු ලූණු, ඉඟුරු සහ හීනියට කපාගත් කරපිංචා එකතු කරන්න
- සුදු ලූණු රන්වන් පැහැ වනවිට එයට කහ ස්වල්පයක් එකතු කර මිශ්‍ර කරන්න
- ඉන්පසු පිසගත් බත් එකතු කර අවසානයට ලෙමන් යුශද එකතු කර හොඳින් මිශ්‍ර කර අවශ්‍ය පමණට ලුනු එකතු කරගන්න
Tomato Rice
අවශ්‍ය වෙන්නෙ මේ දේවල්
- හාල් කෝප්ප දෙකක්
- කොටු කපාගත් ලොකු බීළූණු ගෙඩියක්
- කොටු කපාගත් තක්කාලි ගෙඩි දෙකක්
- ඉඟුරු
- සුදු ලූණු
- කරපිංචා
- කුරුඳු පොතු
- කරදමුංගු
- කරාබු නැටි
- ලුනු
- කහ
- මිරිස් කුඩු
හදාගන්නෙ මෙහෙමයි
- පෑන් එකක් ලිප තබා එයට තෙල් ස්වල්පයක් එකතු කරන්න
- තෙල් රත්වුනු පසු එයට කුරුදු පොතු ,කරදමුංගු ,කරාබු නැටි, කරපිංචා සහ පේස්ට් එකක් කරගත් ඉඟුරු සහ සුදු ලූණු එකතු කරන්න
- විනාඩියකට පමණ පසු එයට බීළූණු එකතු කරන්න
- බීළූණු රන්වන් පාට වුනු පසු එයට තක්කාලි එකතු කරන්න
- තක්කාලි හොඳින් පිසුනු පසුව එයට කහ ස්වල්පයක් සහ ඔබට අවශ්‍ය පමණට මිරිස් කුඩු එකතු කරන්න
- පසුව සහල් කෝප්ප දෙක එකතු කර අවශ්‍ය පමණට ලුණු එකතු කර විනාඩියක් පමණ මිශ්‍ර කරන්න
- සහල් තැම්බීමට අවශ්‍ය පමණට වතුර දමා මද ගින්දරේ බත් එක පිසගන්න
[psac_post_carousel show_date=”false” show_author=”false” taxonomy=”post_tag” cat_taxonomy=”category” tag_taxonomy=”post_tag” limit=”9″ category=”recipes”]
Saru FM Media
