ස්ක්‍රබ් කිරීම ඔබේ සිරුර සුන්දරව තබා ගන්න අත්‍යවශ්‍යම රූපලාවණ්‍ය සත්කාරයක්. සැලෝන් එකකට ගිහිල්ලා වගේම ගෙදරදී ස්වභාවික ද්‍රව්‍ය භාවිතා කරලාත් අපිට ස්ක්‍රබ් කර ගන්න පුලුවන්.
මුළු සිරුරම දීප්තිමත් කරන්න පුලුවන් ස්ක්‍රබ් කිහිපයක් ගැන අද ඔබට කියන්න අපි හිතුවා.
අපේ මැරුණු සම ඉවත් නොවුණොත් සමේ දීප්තිමත් බව හෝ පැහැපත් බවක් ඇති වන්නේ නෑ.ඒත් ඒ ගැන බොහෝ දෙනෙක් සිතන්නේ නැහැ. ඒ නිසාම මතුපිටින් පමණක් සමට සත්කාර කරන්නට පෙලඹෙනවා. එමගින් සම පැහැපත් කරගන්නට හෝ මෘදු බවට පත්කරගන්නට අමාරුයි. ඒ නිසා තමයි අපි ස්ක්‍රබ් කිරීම අත්‍යවශ්‍ය වන්නේ.ස්ක්‍රබ් කිරීමෙන් සමේ රළු බව දුර්වර්ණ බව වගේම මැරුණු සම ඉවත් කිරීම සිදු කරනවා.
අපේ සිරුරේ, අත් පා, පිට, ඉණ, ගෙල ආදී ප්‍රදේශවල සම ගොරෝසු වෙනවා. ලප කැළැල් ඇති වෙනවා. දුර්වර්ණ වෙනවා. අව්වට පිලිස්සෙනවා. එවිට සම අඳුරු වෙනවා. දහඩිය නිසා ඉකිලි, කිහිලි, ගෙල පිටුපස ආදී ප්‍රදේශ කළුවීම බොහෝ වෙලාවට දකින්න පුළුවන්. මෙවන් තත්ත්වයක් යටතේ නැවත සම දීප්තිමත් කර ගන්න අපි බොඩි ස්ක්‍රබ් එකක් කරන්නම ඕනෑ.
මේ ස්ක්‍රබ් වලින් ඔබේ දුර්වර්ණ වූ සම ඉවත් වී හොඳ දීප්තිමත් සමක් ලබා ගන්න පුලුවන්. මේ ස්ක්‍රබ් බොඩි ස්ක්‍රබ් නිසා ගෙලේ සිට පහළට ගල්වන්න.මේ මුහුණේ සමට කළ යුතු සත්කාර නොවෙයි.
Saru FM Media
