අමෙරිකානු-ඊශ්රායල ප්රහාරවලින් ඉරානයේ පුද්ගලයින් 550කට අධික පිරිසක් මිය ගොස් ඇති බව එරට මාධ්ය පවසයි.
ජාත්යන්තර රතු කුරුස සංගමයට අනුව, පසුගිය සෙනසුරාදා ආරම්භ වූ යුද තත්ත්වය හමුවේ ඉරානයේ නගර 131කට ප්රහාර එල්ල වී තිබේ.
ඉරාන රාජ්ය මාධ්යවලට අනුව,ඉරානයේ බාලිකා ප්රාථමික පාසලක සිදු වූ ප්රහාරයකින් අවම වශයෙන් පුද්ගලයින් 165 දෙනෙකු මිය ගොස් ඇත.
ඉරාන පාර්ලිමේන්තු මන්ත්රී මොහොමඩ් බෙයිගි කියා සිටියේ රෝහල් නවයකට බරපතල හානි සිදුවී ඇති අතර ප්රහාරවලින් රෝගීන් ගණනාවක් තුවාල ලබා ඇති බවයි.
ඉරානයේ චීන ජාතිකයෙකු ද මිය ගිය බව චීනයේ විදේශ කටයුතු අමාත්යාංශය පැවසීය.
මේ අතර, ඉරානයට එරෙහිව හමුදා මෙහෙයුම් ආරම්භ කළ දා සිට ඊශ්රායලයේ අවම වශයෙන් පුද්ගලයින් 10 දෙනෙකු මිය ගොස් පුද්ගලයින් 200කට වැඩි පිරිසක් තුවාල ලබා ඇති බව සඳහන් වෙයි.
දකුණු ලෙබනනය සහ බේරූට් වෙත ඊශ්රායල ගුවන් ප්රහාර එල්ල කිරීමෙන් පුද්ගලයින් 31 දෙනෙකු මිය ගොස් ඇති බව එරට මහජන සෞඛ්ය අමාත්යාංශය පවසයි.
තවද, ඉරානයේ පළිගැනීමේ ප්රහාරවලින් එක්සත් අරාබි එමීර් රාජ්යයේ පුද්ගලයින් තිදෙනෙකු මිය ගොස් ඇති බව එරට ආරක්ෂක අමාත්යාංශය පවසයි.
බහරේනයේ සල්මන් කාර්මික නගරයේ “විදේශීය නෞකාවක” ගින්නක් ඇතිවීමෙන් පසු එක් අයෙකු මිය ගොස් ඇති බව බහරේන් රාජ්ය මාධ්ය වාර්තා කළේය.
තවද, කුවේට්හි එක්සත් ජනපද සේවා සාමාජිකයින් තිදෙනෙකු මිය ගිය බව අමෙරිකානු මධ්යම අණදෙන නිලධාරියා පැවසීය.
Saru News
