අහස බැලුවොත් ඔයාටත් හිතෙනවා ඇති ‘අපි මේ විශ්වයේ තනිවෙලාද’ කියලා. එහෙම හිතපු කෙනෙකුට තමයි මේ කතාව.
‘මං හිතන්නෙ, අපි තනිවෙලා නැහැ.’ මම ඇයි එහෙම කියන්නේ? Sri Lanka Latest News
මීට දින කිහිපයකට කලින් විශ්වය පිළිබඳ සෙවීමේ නව පියවරක් ලෙස NASA සහ ESA විද්‍යාඥයෝ විසින් K2-18b නම් ග්‍රහලෝකයක් සොයාගෙන තියෙනවා. මෙය පෘථිවියට වඩා ද්‍රව ශක්තියෙන් යුක්ත, වායුගෝලයක් සහිත, ජීවය පැවැතිය හැකි බව විද්‍යාඥයන් පෙන්වා දෙනවා.
ඔබ තවමත් හිතන්නේ අපි තනිවෙලා කියලද? හොඳයි මේ ටිකත් කියවලා බලන්න.
K2-18b ග්‍රහලෝකය පෘථිවියට වඩා 8.63 ගුණයක Mass එකක් සහ 2.6 ගුණයක විෂ්කම්භයක් ඇති ග්‍රහලෝකයක් වන අතර, NASA ආයතනයේ James Webb Space Telescope (JWST) මගින් K2-18b පිළිබඳ සිදුකළ නවතම නිරීක්ෂණවලින් අනාවරණ වන්නේ මෙය Hycean Planet එකක් වන බවය. මෙහි වායුගෝලයේ ජල වාෂ්පය, මිතේන් සහ හයිඩ්‍රජන් සල්ෆයිඩ් වැනි වායු තිබෙන බව විද්‍යාඥයන් වැඩිදුරටත් පෙන්වා දෙනවා. මෙවැනි වායු සංයෝග, පෘථිවියෙත් ජීවය සමග සම්බන්ධව ඇති නිසා, එමගින් ජීව පැවැත්ම පිළිබඳ ඍජු නොවූද ඉඟි ලබාගත හැකි බවත් විද්‍යාඥයන් පෙන්වා දෙනවා.
දැන් මේක කියවන ඔබට නැගෙන ප්‍රශ්නය තමයි, මේ ග්‍රහලෝකය තියෙන්නේ කොච්චරක් දුරකින්ද කියන එක.
K2-18b ග්‍රහලෝකය, පෘථිවියේ සිට ආලෝක වර්ෂ 120ක් දුරින්, K2-18 නම් කුඩා රතු තාරකාවක් වටා භ්‍රමණය වෙමින් පවතිනවා. එය හැඳින්වෙන්නේ Habitable Zone ලෙසයි. එනම් ජලය ද්‍රව ලෙස පවතින්නට හැකි තාප මට්ටමක් ඇති පරාසයයි. මෙම තත්ත්වය නිසාම, ජීවය සොයාගැනීමේ ව්‍යාපෘති අතරේ මෙය දැක්මක් වන ග්‍රහලෝකයක් බවට පත්ව තිබෙනවා. මේ දක්වාම අපට ජීවය ඍජුවම දැකගැනීමට නොහැකි වුවද, මෙවැනි ග්‍රහලෝක නිරීක්ෂණයන් මගින් විද්‍යාඥයන්ගේ උනන්දුව ඉතා වැඩිවී ඇත. ජීවය පිළිබඳ සෙවීම්වලට නව ආරම්භයක් ලෙස K2-18b ග්‍රහලෝකය හඳුන්වා දීමට පුළුවන්.
දැන් අපිට මතුවන ප්‍රශ්නය තමයි අනාගතයේදී අපිටත් K2-18b හි ජීවත් වෙන්න පුළුවන්ද සහ එම ග්‍රහලෝකයේ මිනිසුන් සිටිනවා නම් ඔවුන් අපිව මිත්‍රත්වයෙන් පිළිගනීද කියන එක.
පෘථිවියෙන් එහා ජීවය පිළිබඳ සෙවීමේ ගමන දිගුවක් වන අතර, K2-18b වැනි ග්‍රහලෝක බොහෝ දෙනාගේ කුතුහලය දැඩිවම ඇදගෙන තිබෙනවා. ඔබ, මම, අපි හැමෝම අද මෙවැනි දේවල් අහනවා දකිනවා. විවිධ දේවල් සොයාගන්නවා. අපිට නොපෙනෙන ලෝකයේ අපි වගේම මිනිසුන් සිටිනවා නම් ඔවුන් ද මෙලෙසම අපිව දකිනවාද? සොයනවාද? මෙවැනි ග්‍රහලෝක පිළිබඳ සෙවීම්, ඒ ප්‍රශ්නයට පිළිතුරු ලබාදීමේ ආරම්භයක් වෙන්න පුළුවන්. අපි බලා ඉඳිමු. අනාගතය මේ හැම ප්‍රශ්නයකටම පිළිතුරු ලබාදේවි.
ඊ.ඩී. චමත්
Saru FM Media
