සංගීතේ ටෙලි නාට්‍යය තුළින් ප්‍රේක්ෂකයන්ගේ ආදරය දිනා ගත් ගීත්මා බණ්ඩාර නව පරපුරේ ජනප්‍රිය තාරකාවියක්.අද අපේ කතාබහ ඇය සමඟයි.
2015 ඉඳන් වෙළඳ දැන්වීම් වලට සම්බන්ධ වෙනවා.ඒත් ඉගෙනීමට බාධා වෙන නිසා රංගන කටයුතු සඳහා ගෙදර අවසරය ලැබුණේ නැහැ.ඊට පස්සේ මම 2018 හිරු අවුරුදු කුමරිය තරඟයේ දෙවෙනි ස්ථානය දිනා ගන්නවා. ඊළඟට හිරු නාලිකාවේ අහස් මාළිගා නාට්‍යයට සම්බන්ධ වුණා. ඒ මගේ පළමුවැනි නාට්‍යය. ඊට පස්සේ මම සිරස නාලිකාවේ නීල පබළු නාට්‍යයට සම්බන්ධ වුණා.මගේ හැරවුම් ලක්ෂය වෙන්නේ දෙරණ නාලිකාවේ සංගීතේ ටෙලි නාට්‍යය.
මට රූපලාවණ්‍ය සත්කාර කරන්න නම් ඇත්තටම වෙලාවක් නැහැ. ඉතින් මම රූපය ලස්සනට තියා ගන්න හොඳට වතුර බොනවා.සම පිරිසිදුව තියා ගන්නවා.ඊට අමතරව සතුටින් හිනා වෙලා ඉන්නවා.
මම විලාසිතාවලට ඇබ්බැහි නෑ.මට හොඳ සහ ගැළපෙන දේවල් ඒ ඒ අවස්ථාව අනුව තෝරා ගන්නවා.
ගොසිප් හැදීම ඕනෑම ගෑනු ළමයෙක්ට පොදු දෙයක් දැන්. මට වඩා මං ගැන දන්න කෙනෙක් නෑ. ඉතින් මම ඒවා ගැන හිතලා කම්පාවට පත් වෙන්නේ නැහැ. ගණන් ගන්නේ නෑ.
මම ළඟින් ආශ්‍රය කරන හැමෝටම අවංක මිතුරියක්. එක යාළුවෙක් කියලා තෝරා ගැනීමක් නැතුව හැමෝම එක්ක සුහදව ඉන්න මම උත්සාහ කරනවා.
මම මුල්තැන දීලා තියෙන්නේ සංගීතේ ටෙලි නාට්‍යයට. නිතරම එහි රූගත කිරීම් තියෙනවා. ඉදිරියේදී තවත් නිර්මාණ කිහිපයකින්ම මාව දැක බලා ගන්න ප්‍රේක්ෂකයන්ට පුලුවන්.
අසේනි දඟකාර, කටකාර යුක්තියට කැමති ගෑනු ළමයෙක්. මම පෞද්ගලිකව ඒ චරිතයට ගොඩක් කැමතියි. අසේනි නිසා මගේ ජීවිතයටත් ආලෝකයක් ලැබුණා.
ඕනෑ ගෑනු ළමයෙක් ආත්ම ගරුත්වය රැකගෙන හෘද ශාක්ෂියට අනුකූලව චරිතය රැක ගෙන ජීවත් වෙන්න ඕනෑ. ගෙදර පසුබිම කොහොම වුණත් තමන්ට තමන්ව ආරක්ෂා කරගෙන හොඳ ගෑනු ළමයෙක් වෙන්න එතකොට පුලුවන්.අසේනි හරහා ඒ පණිවිඩය සමාජයට දෙන්න මට පුලුවන් වුණා.
හොඳ නිර්මාණ වලට දායක වෙමින් මගේ රංගන ජීවිතය සාර්ථකව ගෙවන්නත් හොඳ ගැහැනු ළමයෙක් ලෙස සතුටින් සැහැල්ලුවෙන් ජීවිතේ ගෙවන්නත් තමයි
ගීත්මා ඔබේ ඉදිරි කටයුතු සියල්ල සාර්ථක වෙන්න අපි ආදරයෙන් සුබ පතනවා.
Saru FM Media
