ශ්රීපාද කඳු මුදුන ඉදිරිපිට පිහිටි ශ්රීපාද රක්ෂිතයට අයත් කඳුයායක අද (19) දින හදිසි ගින්නක් හටගෙන තිබේ.
එම ප්රදේශයට බලපා ඇති දැඩි වියළි කාලගුණය සහ පවතින තද සුළං තත්ත්වය හේතුවෙන් ගින්න ඉතා සීඝ්රයෙන් වර්ධනය වෙමින් පවතින බව වාර්තා වේ.
මෙම ජෛව විවිධත්වයෙන් ඉතා ඉහළ අගයන් ගන්නා අතරම දුර්ලභ සත්ත්ව විශේෂ සහ ශාක පද්ධතීන්ගෙන් පිරුණු සංවේදී කලාපයකි.
පවතින තත්ත්වය හමුවේ මෙම වටිනා පරිසර පද්ධතියට සහ ජීවීන්ට දැඩි තර්ජනයක් එල්ලවී ඇති බව පරිසරවේදීහු පෙන්වා දෙති.
ගින්න හටගෙන ඇත්තේ ඉතා දුෂ්කර කඳු මුදුනක බැවින්, එම ස්ථානයට ළඟාවී ගින්න නිවීමට මෙතෙක් කිසිදු කණ්ඩායමකට හැකියාවක් ලැබී නොමැති බවද මේ අතර වාර්තා වේ.
Saru News
