විපක්ෂ නායක සජිත් ප්‍රේමදාස ගල්පාය සජබ සාමාජික ප්‍රවර්ධන වැඩසටහනේදී කියයි
රජයක ප්‍රතිපත්තිය විය යුත්තේ මිනිසා ජීවත් කරවීම වුවත් අද වන විට රටේ ක්‍රියාත්මක වන්නේ මිනීමරු ඝාතන සංස්කෘතියක් බවත් මේ වසර තුළ පමණක් විශාල වෙඩි තැබීම් ප්‍රමාණයක් නිසා ජීවිත හානි හා තුවාලවීම් සිදුව ඇති බවත් පළාත් පාලන ආයතනවල සභාපතිවරු පවා ඝාතනය වී ඇති බවත් මේ ඝාතන සිදුවන්නේ මහජන දිනයේදී බවත් මහජන දිනයක් පවත්වන්නේ ජනතාවට සේවය කිරීමට වුවත් අද ජන සමාජයේ ඇත්තේ මිනීමරු ඝාතන රැල්ලක් සහ ම්ලේච්ඡත්වයක් බවත් මේවා මැඩපවත්වන්න රජයට නිසි වැඩපිළිවෙළක් නොමැති බවත් රජයේ දුර්වලතාවය නිසා මැරකමට මිනීමරුවන්ට මංකොල්ලකරුවන්ට මේ අපරාධ කරන්න දොරටු විවෘත කර ඇති බවත් විපක්ෂ නායක සජිත් ප්‍රේමදාස මහතා පැවසීය.
විපක්ෂ නායක සජිත් ප්‍රේමදාස මහතා මේ බව කියා සිටියේ රත්නපුර දිස්ත්‍රික්කයේ රක්වාන ආසනයේ ගල්පාය කොට්ඨාසයේ ගල්පාය ප්‍රජා ශාලාවේදී ගමින් ගමට දොරින් දොරට විපක්ෂ නායක ජංගම සේවය හා සමගි ජන බලවේගයේ සාමාජික ප්‍රවර්ධන වැඩසටහන හා එක්වෙමිනි.
සමගි ජන බලවේගයේ සභාපතිවරයකු මහජන දිනයේදී ඝාතනය කළ බවත් මේ ඝාතනයට පෙර ලිපි මගින් පොලිස්පතිවරයාට සිය ආරක්ෂාව අනතුරේ බව සඳහන් කරමින් දැනුවත් වීම් කළත් පොලිසිය කිසිදු ආරක්ෂාවක් නොදුන් බවත් අද වන විට ජන සමාජයේ කොතැන වෙඩි පිට වෙඩි වැදෙයි ද කියා සිතාගත නොහැකි බවත් මේ අවිනිශ්චිතතාව තුළ අනාරක්ෂිතභාවය තුළ ජන ජීවිත අනතුරේ බවත් විපක්ෂ නායකවරයා පැවසීය.
මත්ද්‍රව්‍ය ජාවාරම්කාරයන් මෙන්න මිනීමරුවන්ද අල්ලා මර්දනය කළ යුතු බවත් ඔවුන්ට නීතිය තුළ දිය හැකි උපරිම දඬුවම් ලබාදෙන්න සහයෝගය දෙන බවත් මේ මිනීමරු සංස්කෘතිය පෙරට දාගෙන විපක්ෂය දඩයම් කරනවා නම් එයට ඉඩ දිය නොහැකි බවත් අද රට තුළප්‍රජාතන්ත්‍රවාදයවත් සාමයවත් නොමැති බවත් මේ රට විනාශ කරන කුඩුකාරයන් මත්ද්‍රව්‍ය ජාවාරම්කාරයන් විනාශ කරන්න යුක්තිය සාධාරණත්වය නීතිය හා සාමය ආරක්ෂා කරන්න ඉහළ දායකත්වය ලබාදෙනවා සේම මහජන නියෝජිතයන්ට ජනතාව වෙනුවෙන් සේවාව කරන්න නිසි රැකවරණයහා ආරක්ෂාව ලබාදීමත් ලක්ෂ 220ක් ජනතාවගේ ජන ජීවිත සුරක්ෂිත කිරීමටත් කටයුතු කරන ලෙස රජයට කියා සිටින බවත් විපක්ෂ නායකවරයා පැවසීය.
ජනාධිපතිවරණය දිනා, මහමැතිවරණයෙන් තුනෙන් දෙකක බලයක් හා පළාත් පාලන මැතිවරණයෙන්ද ජය ගත් බවත් මෙවර පළාත් සභා මැතිවරණයට සමගි ජන බලවේගයේ පාර්ලිමේන්තු මන්ත්‍රීවරුන් පවා සිය තනතුරෙන් ඉල්ලා අස්වී ඡන්දයට ඉදිරිපත් වීමට සූදානම් බවත් රටේ සිදුවන දේ ජනතාව දන්නා නිසා දැන්වත් එක් එක් මායාවන්ට
රැවටෙන යුගය අවසන් කරන ලෙසත් මෑත කාලයේ ජය ගත්තේ සෝබනය, විජ්ජාව, මවාපෑම්, රගපෑම්, බොරුව මුසාව, මුලාව බවත් එම නිසා තවදුරටත් මේවාට නොරැවටී සිටින ලෙස ජනතාවගෙන් ඉල්ලා සිටින බවත් විපක්ෂ නායක සජිත් ප්‍රේමදාස මහතා පැවසීය.
ආණ්ඩුවේ මන්ත්‍රීවරු අද මහජන දින නොපවත්වන බවත් සමහර පළාත්වල ජනතාව ආණ්ඩුවේ මන්ත්‍රීවරු කවුද කියා හඳුනන්නේ නැති බවත් අද දිනපු මාලිමාව ජනතාවගේ ගැටලු සොයා බලන්නේ නැති නිසා විපක්ෂ නායකවරයාට එම ප්‍රශ්න සොයන්න සිදුව ඇති බවත් මේ ගැටලු පාර්ලිමේන්තු පවා ඉදිරිපත් කරන්නේ විපක්ෂ නායකවරයා බවත් තමා ළඟ මඩ ගහන චරිත ඝාතන දේශපාලනය නැති බවත් මේ ප්‍රශ්නවලට රජයෙන් උත්තර විසඳුම් නොලැබෙන බවත් මේව ගැන මාධ්‍යවල පවා ප්‍රවෘත්ති පළ නොවෙන බවත් මඩ දේශපාලනයට නම් මාධ්‍ය තුළ පවා අවධානය ලැබෙන බවත් විපක්ෂ නායකවරයා වැඩිදුරටත් පැවසීය.
එදා මැතිවරණ වේදිකාවේ තමා රු. 5000ට පොහොර මිටිය ලබාදෙනවා කිව්වත් වත්මන් රජය වී ගොවිතැනට හෙක්ටයාරයට රු. 25000 බැගින් උපරිම හෙක්ටයාර් දෙකකට පොහොර සහනාධාරය දෙනවා කියූ නිසා ගොවි ජනතාව පවා එයට රැවටී වත්මන් රජයට ඡන්දය දුන් බවත් අද වන විට මේ පොහොර මුදල්වත් හරියට නොලැබෙන බවත් පොහොරවල ගුණාත්මකභාවය පවා නොමැති බවත් යන්ත්‍ර සූත්‍ර ගොවි උපකරණවල මිල පවා වැඩි බවත් ඊට අමතරව වන අලි වන සතුන් නිසා වගා හානි දේපල හානි ජීවිත හානි පවා සිදුවන බවත් මේ ගැටලු මැද වගා කටයුතු කළත් පහළ මිලකට අස්වැන්න විකුණා දැමීමට සිදුවන බවත් විපක්ෂ නායකවරයා පැවසීය.
Saru FM Media
