සංස්කෘතික සබඳතා පිළිබඳ ඉන්දීය කවුන්සිලයේ (ICCR) ආරාධනයක් මත ඉන්දියාවේ සංචාරයක නිරතව සිටින ජනතා විමුක්ති පෙරමුණේ ප්රධාන ලේකම් ටිල්වින් සිල්වා සහ ගුජරාට් ප්රාන්තයේ මහ ඇමති ශ්රී භූපේන්ද්ර රජනිකාන්ත් පටෙල් (Shri Bhupendra Rajnikant Patel) අතර හමුවක් ඊයේ (09) සිදු වී ඇත.
ගුජරාට් ප්රාන්තයේ ඉදිරි සංවර්ධනය මෙන්ම කර්මාන්ත ආශ්රිත දියුණුව පිළිබඳව මෙහිදී සාකච්ඡා කර තබේ. ඉදිරියේදී ශ්රී ලංකාවේ කාර්මික, සංචාරක, ඇඟලුම් වැනි කර්මාන්ත සංවර්ධනය සඳහා සහයෝගයෙන් කටයුතු කිරීම පිළිබඳවත් අදහස් හුවමාරු කර ගෙන තිබේ.
ගුජරාට් ප්රාන්තයේ මැදිහත්වීමෙන් සර්වඥ ධාතුන් වහන්සේ ලංකාවට වැඩමවා ලංකාවේ බෞද්ධ ජනතාවට වන්දනා කිරිමට අවශ්ය කටයුතු සැලැස්වීම පිළිබඳවත් දිට්වා සුළි කුණාටුවෙන් විපතට පත් මොහොතේ ශ්රී ලංකාවට දැක්වූ සහයෝගයත් සිහිපත් කළ ටිල්වින් සිල්වා සහෝදරයා ඒ සම්බන්ධව සිය ස්තුතිය පළ කළේය.
මෙම අවස්ථාවට පාර්ලිමේන්තු මන්ත්රීවරුන් වන කිට්නන් සෙල්වරාජ්, කරුණාතිලන් ඉලන්කුමරන්, අන්තර් සමාගම් සේවක සංගමයේ ප්රධාන ලේකම් නීතිඥ ජානක අධිකාරි, ජනතා විමුක්ති පෙරමුණේ ජාත්යන්තර කමිටුවේ සාමාජිකා නීතිඥ කල්පනා මධුභාෂිනී සහ ජනතා විමුක්ති පෙරමුණේ මාධ්ය ඒකකයේ සාමාජික හේමතිලක ගමගේ යන සහෝදර සහෝදරියෝ සහභාගි වූහ.
මෙම සංචාරයේදී නවදිල්ලි සහ කේරළ ප්රාන්තවලද සංචාරය කිරීමට නියමිත අතර එම ප්රන්තයන්හි මහ ඇමතිවරුන් සමගද සාකච්ඡා පැවැත්වීමට නියමිතය.
ඊට අමතරව ඉන්දියාවේ කෘෂිකර්මාන්ත, කාර්මික සහ තාක්ෂණික සංවර්ධනයට අදාළ මධ්යස්ථාන නැරඹීමටද මෙහිදී කටයුතු යොදා ඇත.
0
Saru News
