ඉන්දියාවෙන් ගෙනා දෙව්නිමෝරි සර්වඥ ධාතූන් අදත් ප්‍රදර්ශනය කෙරෙයි

ඉන්දීය අග්‍රාමාත්‍ය නරේන්ද්‍ර මෝදී මහතාගේ මැදිහත්වීම යටතේ ඉන්දීය රජයේ පූර්ණ අනුග්‍රහයෙන් මෙරටට වැඩම කරවන ලද ඉන්දියාවේ දෙව්නිමෝරි (Devnimori) ප්‍රදේශයේ පුරාවිද්‍යාත්මක කැණීම් මගින් සොයාගත් ශ්‍රී සර්වඥ ධාතුන් වහන්සේ වන්දනාව සදහා අද (07) තෙවැනි දිනටත් පැවැත් වේ.

ඒ, කොළඹ හුණුපිටිය ගංගාරාම විහාරස්ථානයේදීය.

පෙබරවාරි 11 වනදා උදෑසන 07 දක්වා මෙම ශ්‍රී සර්වඥ ධාතුන් වහන්සේ වන්දනාව පැවැත් වේ.

ඉන්දියාවේ ගුජරාට් ප්‍රාන්තයේ “දෙව්නිමෝරි” (Devni Mori) නම් ස්ථානයෙන් සොයාගනු ලැබූ මෙම සර්වඥ ධාතූන් වහන්සේලා බෞද්ධ ඉතිහාසයේ ඉතා වැදගත් සන්ධිස්ථානයක් සනිටුහන් කරන බව පැවසේ.

විශේෂ කරුණු කිහිපයක්:

සොයාගැනීම:
1960 දශකයේදී ගුජරාටයේ පැරණි බෞද්ධ ස්තූපයක් කැණීම් කිරීමේදී මෙම ධාතූන් වහන්සේලා තැන්පත් කළ කරඬුව හමුව තිබිණි.

ඉපැරණි සාක්ෂි:
එම කරඬුවේ තිබූ සෙල්ලිපිවලට අනුව මේවා බුදුරජාණන් වහන්සේගේම ශරීර නිධන් (Dashasila) බව තහවුරු වී ඇත.

කාල වකවානුව:
මෙය ක්‍රිස්තු වර්ෂ 3 වන හෝ 4 වන සියවසට අයත් බව පුරාවිද්‍යාඥයන් පවසති.

වැදගත්කම:
ලෝකයේ දැනට ඉතිරිව පවතින සත්‍යම සර්වඥ ධාතූන් වහන්සේලා අතරින් මේවා ඉතාමත් වැදගත් තැනක් ගැනීමයි.

සබැඳි පුවත්: