ටිල්වින් සහ ජයශංකර් අතර හමුවක්

ජනතා විමුක්ති පෙරමුණේ ලේකම් ටිල්වින් සිල්වා මහතා ඇතුළු මෙරට නියෝජිත පිරිසක් සහ ඉන්දීය විදේශ කටයුතු අමාත්‍ය එස්. ජයශංකර් මහතා අතර නිල හමුවක් නව දිල්ලි නුවරදී පවත්වා තිබේ. 

මෙම සාකච්ඡාවේදී දෙරට අතර පවතින ද්විපාර්ශ්වික සබඳතා තවදුරටත් ශක්තිමත් කර ගැනීම, අනාගත වර්ධන අවස්ථා ගවේෂණය කිරීම සහ සමාජ සුබසාධන වැඩසටහන් පිළිබඳව විශේෂ අවධානයක් යොමු කර ඇත.

ශ්‍රී ලංකාව වෙනුවෙන් ඉන්දියාව සැමවිටම විශ්වාසවන්ත සහ සැබෑ සහකරුවෙකු ලෙස පෙනී සිටින බව ද එහිදී ඔහු වැඩිදුරටත් සඳහන් කර තිබේ.

කෙසේවෙතත් මෙම හමුව සම්බන්ධයෙන් X සමාජ මාධ්‍ය ජාලයේ සටහනක් තබමින් ඉන්දීය විදේශ අමාත්‍යවරයා සඳහන් කළේ, ජනතා විමුක්ති පෙරමුණේ නියෝජිත පිරිස සමඟ ඉතා සුහදශීලී සහ ඵලදායී අදහස් හුවමාරුවක නිරත වූ බවය. 

දෙරට අතර පවතින ගැඹුරු සබඳතා තවදුරටත් වර්ධනය කර ගැනීමට මෙම සාකච්ඡාව මනා පිටිවහලක් වූ බව ද ඔහු එහි දක්වා ඇත.

A warm interaction with Janatha Vimukthi Peramuna General Secretary Mr. Tilvin Silva and his delegation from Sri Lanka.

Discussed further strengthening our deep bonds. Spoke about growth opportunities and social welfare initiatives.

India has stood by Sri Lanka during the… pic.twitter.com/JV5c3F33Ze

— Dr. S. Jaishankar (@DrSJaishankar) February 6, 2026