නීති විරෝධී ලෙස මෙරටට රැගෙන ඒමට සූදානම් කර තිබූ ගංජා කිලෝග්රෑම් 194ක් තමිල්නාඩුවේ රාමනාදපුරම් පොලිසිය විසින් සොයාගෙන තිබේ.
ලද බුද්ධි තොරතුරක් මත ඊ.සී.ආර් වෙරළ පාරේ සිදු කළ වාහන පරීක්ෂාවකදී මිටි 97ක අසුරා තිබූ මෙම ගංජා ප්රමාණය සොයාගෙන ඇත.
මෙය ප්රවාහනය කළ මෝටර් රථය සහ 40 හැවිදිරි රියදුරුව ද පොලිසිය සිය භාරයට ගෙන ඇති බව ඉන්දිය මාධ්ය වාර්තාවල දැක්වෙයි.
අත්අඩංගුවට ගත් සැකකරු වැඩිදුර නීතිමය කටයුතු සඳහා රාමනාදපුරම් මත්ද්රව්ය බුද්ධි කාර්යාංශයට භාරදී තිබේ.
මෙම මත්ද්රව්ය ජාලයට සම්බන්ධ සෙසු පුද්ගලයින් සොයා වැඩිදුර විමර්ශන ආරම්භ කර ඇති බව පොලීසිය සඳහන් කළ බව ඉන්දීය මාධ්ය වාර්තාවල වැඩිදුරටත් සඳහන් වේ.
Saru News
