ශ්‍රී ලංකාවට අලුතින් පත්කරන ලද තානාපතිවරුන් හත් දෙනෙකු අද මැයි 15 වැනි දින පෙරවරුවේ ජනාධිපති කාර්යාලයේදී ජනාධිපති අනුර කුමාර දිසානායක මහතා වෙත සිය අක්තපත්‍ර නිල වශයෙන් පිළිගැන්වීමක් සිදු කරන ලදී.
ජනාධිපති මාධ්‍ය අංශය විසින් නිකුත් කරන ලද නිවේදනයකට අනුව, ආජන්ටිනා ජනරජය, සිම්බාබ්වේ ජනරජය, ඊශ්‍රායලය, පිලිපීන ජනරජය, ටජිකිස්තාන ජනරජය, කාම්බෝජ රාජධානිය සහ ඩෙන්මාර්ක් රාජධානිය නියෝජනය කරමින් නව තානාපතිවරුන් හත් දෙනෙකු ශ්‍රී ලංකාව සඳහා සිය රාජකාරි ආරම්භ කිරීමට අක්තපත්‍ර ප්‍රදානය කරන ලදී.
අක්තපත්‍ර ප්‍රදානය කරන ලද තානාපතිවරුන්ගේ විස්තර මෙසේය:
- මාරියානෝ අගුස්ටින් කව්චිනෝ මහතා – නවදිල්ලියේ මූලස්ථානය පිහිටුවා ඇති ආජන්ටිනා ජනරජයේ තානාපති
- ස්ටෙලා න්කොමෝ මහත්මිය – නවදිල්ලියේ මූලස්ථානය පිහිටුවා ඇති සිම්බාබ්වේ ජනරජයේ තානාපති
- රූවෙන් හවීයර් අසාර් මහතා – නවදිල්ලියේ මූලස්ථානය පිහිටුවා ඇති ඊශ්‍රායල රාජ්‍යයේ තානාපති
- නිනා පී. කයින්ග්ලට් මහත්මිය – ඩකාහි මූලස්ථානය පිහිටුවා ඇති පිලිපීන ජනරජයේ තානාපති
- ලුක්මොන් බොබොකලොන්සෝඩා මහතා – නවදිල්ලියේ මූලස්ථානය පිහිටුවා ඇති ටජිකිස්තාන ජනරජයේ තානාපති
- රත් මැනි මහත්මිය – නවදිල්ලියේ මූලස්ථානය පිහිටුවා ඇති කාම්බෝජ රාජධානියේ තානාපති
- රස්මස් ක්‍රිස්ටෙන්සන් මහතා – නවදිල්ලියේ මූලස්ථානය පිහිටුවා ඇති ඩෙන්මාර්ක් රාජධානියේ තානාපති
මෙම විශේෂ අවස්ථාවට විදේශ කටයුතු, විදේශ රැකියා සහ සංචාරක අමාත්‍ය විජිත හේරත් මහතා සහ ජනාධිපති ලේකම් ආචාර්ය නන්දික සනත් කුමානායක මහතා ද සහභාගී වී සිටියහ.
මෙම තානාපතිවරුන්ගේ පත්වීම් මගින් ශ්‍රී ලංකාවේ විදේශ සබඳතා තවදුරටත් ශක්තිමත් කිරීමට හා අන්තර්ජාතික සම්බන්ධතා පුළුල් කිරීමට අවස්ථාවක් උදාවනු ඇතැයි අපේක්ෂා කෙරේ.
Saru FM Media
