නිශ්මං රණසිංහ මැයි 08, කොළඹ LNW:
මැයි 03 වන සෙනසුරාදා MCA පිටියේදී අවසන් වූ 07 වන Fairfirst Insurance අනුග්‍රහය ලත් MCA “F” කොටසේ 25 ඕවර ලීග් තරඟාවලියේ 2025 අවසන් මහා තරඟයේදී Dialog Axiata PLC කණ්ඩායමට එරෙහිව ලකුණු 34 ක තියුණු ජයක් ලබා ගැනීමට අශේන් ප්‍රනාන්දුගේ නායකත්වයෙන් යුත් HNB “B” කණ්ඩායම සමත් විය. පළමුව පන්දුවට පහර දෙමින් ලකුණු 128 ක සීමා වුව ද, HNB “B” කණ්ඩායමේ වෙනුක් හෙට්ටිආරච්චි (04-17-02) සහ සවිරු බණ්ඩාර (4.1-13-04) ගේ දඟ පන්දු ප්‍රහාරය හේතුවෙන් Dialog Axiata PLC කණ්ඩායම ලකුණු 94 ට සියල්ලන් දැවී ගියේය.
කාසියේ වාසිය දිනාගත් HNB “B”, Dialog Axiata වේග සහ දඟ පන්දු ප්‍රහාරය ඉහළට ඔසවා තැබූ,දුල්හාර මධුශංක (4.5-32-3) අෂීෆ් සිද්දික් (05-24-02) සහ පසිඳු ගනේගම (05-29-04) හමුවේ ඕවර 24.5 කදී ලකුණු 128 කට සීමා විය.
ඕවර 25 කදී ලකුණු 129 ක බැලූ බැල්මට පහසු ජයග්‍රාහී ඉලක්කයක් හඹා ගිය Dialog Axiata කණ්ඩායමට දීප්තිමත් ආරම්භයක් ලැබුණු අතර, ඔවුන්ගේ ආරම්භක පිතිකරුවන් වන පසිඳු බණ්ඩාරනායක (ලකුණු 28 යි පන්දු 18 යි, හයේ පහර 03 ක් සහ හතරේ පහරක් ඇතුළුව) සහ කෞෂාල් පෙරේරා පන්දු 28 කදී ලකුණු 35 ක් රැස් කළහ.එහෙත්, අනෙක් පිතිකරුවන් පාලනය කරමින්, වෙනුක් හෙට්ටිආරච්චි සහ සවිරු බණ්ඩාර මූලිකව ඕවර 20.1 කදී ලකුණු 94 කට සියල්ලන්ම දැවී ගනිමින් HNB “B” කණ්ඩායම ජය ටැඹ කරා ගෙන ගියහ.
විශේෂ සම්මාන:
MCA විසින් තරඟ තීරක ලෙස පත් කරන ලද මනෝජ් පෙරේරා, HNB “B” කණ්ඩායමේ ඉක්‍රම් රාසික් ඔහුගේ තරඟයේ වීරයා ලෙස තෝරා ගත්තේය.
අවසන් පූර්ව වටය දක්වා දැක්වූ දක්ෂතා මත පදනම් වූ අනෙකුත් විශේෂ සම්මාන 03 සඳහා – හොඳම පන්දු යවන්නා – සෙලාන් බැංකුවේ එරාන් කණිෂ්ක (කඩුලු 21); හොඳම පිතිකරු – පීසා හට් කණ්ඩායමේ ශාලක තිමන්ත (ඉනිම් 08, ලකුණු 365); තරගාවලියේ වීරයා – VS තොරතුරු පද්ධති කණ්ඩායමේ චමත් චමුපති (ලකුණු 265 සහ කඩුලු 14)
තරඟාවලියේ ජය සංඛේත ප්‍රදානයට, ප්‍රධාන ආරාධිත අමුත්තා ලෙස, ෆෙයාර්ෆස්ට් රක්ෂණ සමාගමේ ප්‍රධාන විකුණුම් සහ අලෙවිකරණ නිලධාරී ඩිලාන් මිචෙල් සහ MCA නිලධාරීන් වන, තුෂාන් අමරසූරිය (ජ්‍යෙෂ්ඨ උප සභාපති), රොහාන් සෝමවංශ (මහලේකම්) සහ ලක්මාල් ද සිල්වා (තරඟාවලි කමිටුවේ සභාපති) යන යන අය එක් වූහ.
HNB “B” – ඕවර 24.5 කදී සියල්ලන් දැවී 128. (මහේන් සිල්වා 12, අශේන් ප්‍රනාන්දු 17, නවීන් කණිෂ්ක 17, පසිඳු ආදිත්‍ය 27, ඉක්‍රම් රසික් 20, දුල්හාර මධුසංක 3/32, ආතිෆ් සිද්ධික් 2/24, පුබුදු ගනේගම 4/29)
Dialog Axiata PLC : ඕවර 20.1කදී සියලු දෙනා දැවී 94 (පුබුදු බණ්ඩාරනායක 28, රාජිත රණතුංග 15, දුල්හාර මධුසංක 17, වෙනුක් හෙට්ටිආරච්චි 2/17, අචින්ත සුපුන් 4/13)
http://www.sportwaynews.com/
Saru FM Media
