2025 අලුත් අවුරුදු සැණකෙළියේ ‘දසත මාධ්‍ය ජාලය’ විසින් සංවිධානය කරන ලද ‘දසත සමගි සූර්යය මංගල්‍යය’ අද (19) දවස පුරා දෙල්වගුර මලියදේව ප්‍රාථමික විද්‍යාලයීය ක්‍රීඩාංගණයේ දී අතිඋත්සවශ්‍රීයෙන් පැවැත්වුණා.
ඒ දසත මාධ්‍ය ආයතනයේ සභාපති පී.එස්. මධුසංක මහතාගේ පූර්ණ මගපෙන්වීම යටතේ යි.
මෙහි සංවිධාන ශක්තිය ‘සමගි තරුණ කැල’ සහ දසත ඩිජිටල් හා රූපවාහිනී මාධ්‍ය නාලිකාව විසින් සිදු කරනු ලැබුවා.
අද දිනය වර්ණවත් කිරීමට කලා ක්ෂේත්‍රයේ ප්‍රවීණ හා ජනප්‍රිය තරු රැසක් ද එක්ව සිටීමත් විශේෂත්වයක්.
ගම හරහා දිවීම ඇතුළු අවුරුදු ක්‍රීඩා රැසක් ද පැවැත්වුණු මෙම දසත සමගි සූර්යය මංගල්‍යය අවුරුදු කුමරා සහ කුමරිය තරග ඉසව් ද පැවැත්වුණා.
2025 වර්ෂයේ දසත සමගි සූර්යය මංගල්‍යයේ අවුරුදු කුමරා ලෙස ප්‍රථම ස්ථානය දිනාගත්තේ මහනුවරින් අංක 07න් තරග වැදි ඉෂාර මධුෂංක ජයසූරිය යි.
එහි දෙවැනි සහ තෙවැනි ස්ථාන පිළිවෙළින් අවුරුදු කුමරා ලෙස අංක 04 සහ අංක 01න් තරග වැදි අවුරුදු කුමාරවරුන් විසින් දිනාගනු ලැබුවා.
මෙවර දසත සමගි සූර්යය මංගල්‍යයේ අවුරුදු කුමරිය ලෙස අභිෂේක ලැබුවේ කඩවත සිට පැමිණි අංක 08න් තරග වැදි සුරූපිණියයි.
එහි දෙවැනි හා තෙවැනි ස්ථාන අංක 03 සහ අංක 02න් තරග වැදි අවුරුදු කුමරියන් විසින් දිනාගනු ලැබුවා.
දසත සමගි සූර්යය මංගල්‍යයේ ප්‍රධාන ආරාධිත අමුත්තන් ලෙස වයඹ පළාත් ජ්‍යේෂ්ඨ නියෝජ්‍ය පොලිස්පති අජිත් රෝහණ, පොලිස් මාධ්‍ය ප්‍රකාශක ජ්‍යේෂ්ඨ පොලිස් අධිකාරි බුද්ධික මනතුංග, සහකාර පොලිස් අධිකාරී සංජීව එදිරිසිංහ ඇතුළු සම්භාවනීය ආරාධිත අමුත්තන් රැසක් මීට එක් ව සිටියා.
මීට අමතර ව දසත මාධ්‍ය ජාලය සහ දෙල්වගුර සමගි තරුණ කැල එක් ව සංවිධානය කරනු ලබන දසත සමගි සූර්යය මංගල්‍යය අද පස්වරුවේ අවසන් වන අතර රාත්‍රී 09 සිට ජනප්‍රිය ගායක ශිල්පීන් සහ ශිල්පිනියන් සහභාගී වන ‘රිවර්බ්’ සංගීතයට හැඩවන දැවැන්ත සංගීත රාත්‍රියක් ද පැවැත්වීමට සියලු කටයුතු මේ වනවිට සූදානම් කර අවසන්.
Saru FM Media
