ශ්‍රී ලංකාවට එන ‘ආලෝකා’ (වීඩියෝ)

අවිහිංසාවාදී පණිවිඩය ලොවට ගෙන යන ජාත්‍යන්තර සාම පා ගමන රාජ්‍ය අනු­ග්‍ර­හය යටතේ හෙට (21) ආරම්භ කිරී­මට සියලු කට­යුතු සූදා­නම් බව  බුද්ධ ශාසන අමා­ත්‍යාං­ශය සඳහන් කරයි.

මෙම සාම පා ගමන පංඥා­කාර ස්වාමීන් වහ­න්සේගේ නාය­ක­ත්ව­යෙන් යුත්, භික්ෂු පිරි­ස­කගේ සහ­භා­ගි­ත්ව­යෙන් සිදු කෙරෙන අතර අනු­රා­ධ­පුර ජය ශ්‍රී මහ බෝධි­වෘ­ක්ෂයේ රෝපිත අංකු­ර­යක් රැගෙන සිදු කිරී­මට නිය­මි­තය.

ජනා­ධි­පති ලේකම් කාර්යා­ලය, ක්ලීන් ශ්‍රී ලංකා වැඩ­ස­ට­හන, ශ්‍රී දළදා මාලි­ගාව, බුද්ධ ශාසන, ආග­මික හා සංස්කෘ­තික කට­යුතු අමා­ත්‍යාං­ශය, රාජ්‍ය පරි­පා­ලන, පළාත් සභා හා පළාත් පාලන අමා­ත්‍යාං­ශය, ත්‍රිවිධ හමු­දාව, පොලී­සිය සහ ජාතික නිර්මාණ මධ්‍ය­ස්ථා­නය ඇතුළු රාජ්‍ය හා පෞද්ග­ලික ආය­තන රැසක් මෙම ආධ්‍යා­ත්මික වැද­ග­ත්ක­මක් ඇති වැඩ­ස­ට­හ­නට සහය ලබා­ දෙයි.

මෙම සාම පා ගමන අත­ර­තුර ශ්‍රී ලංකාවේ බෞද්ධ උරු­මය, සාම්ප්‍ර­දා­යික කලා හා කර්මාන්ත ප්‍රචා­රය වීම අපේක්ෂාවයි.

හෙට (21) දිනයේ ප.ව. 3.00ට අනු­රා­ධ­පු­රය ජය ශ්‍රී මහ බෝධි­න්ව­හ­න්සේගේ රෝපිත අංකු­රය සාම පා ගමන සිදු කරන භික්ෂූන් වහ­න්සේලා වෙත භාර­දීම සිදු කෙරෙන අතර ප.ව. 4.00ට රුව­න්වැලි සෑය අසල ආග­මික වැඩ­ස­ට­හන පැවැත්වෙනු ඇත.

පූජ්‍ය පඤ්ඤාකර හිමියන් සමඟ ලොව පුරා සාමයේ පණිවිඩය ගෙනයන ආදරණීය වීදි සුනඛයා වන ‘ආලෝකා’ ද මෙම සාමයේ පා ගමන සමඟ එක්වනු ඇත.

ආලෝකා, ලොව පුරා වඩාත් ප්‍රසිද්ධියට සහ ජනාදරයට පත්වනුයේ පසුගිය වසරේ ආරම්භවූ ‘වෝක් ෆෝ පීස්’ ඇමෙරිකානු සාම පාගමනත් සමඟනි.

පූජ්‍යපාද පඤ්ඤාකර හිමියන් ඇතුළු බෞද්ධ හික්ෂූන් වහන්සේ පිරිසක් පසුගිය වසරේ ඔක්තෝබර් මස 28 වැනිදා සිට ඉකුත් පෙබරවාරි 10 වැනිදා දක්වා පුරා දින 108 ක් ඇමෙරිකාව පුරා කිලෝමීටර් 3,700 ක දුරක් ඇවිද ගිය අතර ගිය අතර ආලෝකාද මේ පාද වාරිකාවට එක්විය.

මේ වනවිට ‘ආලෝකා’ ටර්කිෂ් ගුවන්සේවය සමඟ Dallas ගුවන්තොටුපළින් කොළඹ බලා පිටත්ව ඇති අතර ඔවුන් හෙට (21) උදෑසන ශ්‍රී ලංකාවට ගොඩබසිනු ඇතැයි අපේක්ෂා කෙරේ.