ඇල්පිටිය පොලිස් වසමේ ඇල්පිටිය අම්බලන්ගොඩ මාර්ගයේ කුරුඳුගහ නගරයේදී අද (15) අලුයම සිදුවූ රිය අනතුරකින් 6 හැවිරිදි දැරියක් මියගොස් තිබෙනවා.
අම්බලන්ගොඩ දෙස සිට ඇල්පිටිය දෙසට ධාවනය වු ත්රීරෝද රථයක් ප්රතිවිරුද්ධ දෙසින් පැමිණි වෑන් රථයක ගැටීමෙන් අනතුර සිදුව ඇති බව පොලීසිය පවසනවා.
අනතුරින් තුවාල ලැබූ ත්රීරෝද රථයේ රියදුරු, පිටුපස අසුනේ ගමන් කළ පිරිමි පුද්ගලයෙකු, කාන්තාවන් දෙදෙනෙකු සහ ගැහැණු දරුවන් තිදෙනෙකු ඇල්පිටිය රෝහලට ඇතුලත් කර ප්රතිකාර ලබමින් සිටියදී මෙලෙස එක් දැරියක මියගොස් තිබෙනවා.
සෙසු තුවාලකරුවන් ඇල්පිටිය රෝහලේ නේවාසිකව ප්රතිකාර ලබනවා.
මියගිය දැරිය කුරුඳුවත්ත පිටිගල ප්රදේශයේ පදිංචිකාරියකි.
මෘත ශරීරය ඇල්පිටිය රෝහලේ මෘත ශරීරාගාරයේ තැන්පත් කර තිබෙනවා.
අනතුරට සම්බන්ධ වෑන් රථයේ රියදුරු අත්අඩංගුවට ගෙන ඇති අතර ඇල්පිටිය පොලීසිය වැඩිදුර විමර්ශන සිදු කරනවා.
Saru FM Media