අයි.පී.එල් තරගාවලිය වෙනුවෙන් චෙන්නායි සුපර් කිංග්ස් කණ්ඩායම සඳහා 17 හැවිරිදි ආයුෂ් මැත්රේ කැඳවා තිබෙනවා.
මෙවර තරගාවලියේ දී ආබාධයකට ලක්ව තරගාවලියෙන් ඉවත්වීමට සිදු වූ චෙන්නායි නායක රුතුරාජ් ගයික්වාඩ් වෙනුවට මෙම 17 හැවිරිදි යොවුන් ක්‍රීඩකයා කණ්ඩායමට කැඳවා ඇති බවයි වාර්තා වන්නේ.
මැත්රේට අමතරව තවත් දේශී ක්‍රීඩකයින් කිහිප දෙනෙකු අත්හදා බැලීමක් සඳහා චෙන්නායි වෙත කැඳවා තිබුණා.
එහිදී ඔහුගේ ආක්‍රමණශීලී පිතිකරණය හේතුවෙන් චෙන්නායි කණ්ඩායම් කළමනාකාරිත්වය ඔහුව කණ්ඩායමට එක්කර ගැනීමටයි තීරණය කර ඇත්තේ.
එමෙන්ම ආයුෂ් මැත්රේ දේශීය ක්‍රිකට් පිටිය දක්වා තිබූ දක්ෂතා ද මෙම තෝරාගැනීමට හේතු වී තිබෙනවා.
රංජි කුසලාන ක්‍රිකට් තරගාවලියේ මුම්බායි කණ්ඩායම වෙනුවෙන් ක්‍රීඩාකරන මැත්රේ, මේ දක්වා ක්‍රීඩාකර ඇත්තේ පළමුපෙළ තරග 09ක් පමණක් වන අතර, එහිදී ශතක 02ක් සහ අර්ධ ශතයක් රැස්කර ගැනීමට ඔහුට හැකිව තිබෙනවා.
චෙන්නායි නායක රුතුරාජ් ගයික්වාඩ් අබාධයකට ලක්ව තරගාවලියෙන් ඉවත්වීම හේතුවෙන් චෙන්නායි පිළේ නායකත්වයට හිටපු නායක මහේන්ද්‍ර සිං දෝනි පත් කෙරුණා.
Saru FM Media
