ඉන්ධන පිරවූ බවුසරයක් පුවක්ගහවෙලදී පෙරළෙයි

බදුල්ල කොළඹ ප්‍රධාන මාර්ගයේ පුවක්ගහවෙල ප්‍රදේශයේදී ඉන්ධන පිරවූ බවුසර් රථයක් මාර්ගයේ පෙරළී ගොස් තිබේ.

අද (07) පස්වරුවේ මෙම අනතුර සිදුව ඇති අතර කාර්මික දෝෂයක් මීට හේතුව වී ඇතැයිද වාර්තා වේ.

අනතුරින් බවුසර් රථය මාර්ගයේ පෙරළී ගොස් තිබූ අතර එය තුළ ඉන්ධන ලීටර් 33,000ක් තිබූ බවද පැවසේ.

බවුසර් රථය පෙරළී යාමෙන් පසුව එහි තිබූ ඉන්ධන මාර්ගය පුරා විසිරී ගිය අතර ඉන්ධන එක් රැස් කිරීම සඳහා මිනිසුන් භාජන රැගෙන පැමිණ සිටි අයුරුද දක්නට ලැබුණි.