මෙරට රෝහල් කිහිපයක විශේෂඥ වෛද්යවරයාගේ රෝහල් තනතුරු ඉවත් කර ඇති බවට රජයේ වෛද්ය නිලධාරින්ගේ සංගමය චෝදනා කරයි.
එහි සභාපති විශේෂඥ වෛද්ය සංජීව තෙන්නකෝන් මහතා අවධාරණය කළේ, ශ්රේණිගත වෛද්යවරුන්ගේ මාරුවීම්වලටත් දේශපාලන මැදිහත්වීම් සිදුව ඇති බවය.
මෙරට රෝහල්වල විශේෂඥ වෛද්යවරුන්ගේ අවශ්යතාව 3000ක් වූව ද දැනට සිටින්නේ 2100ක් බව සභාපතිවරයා පෙන්වා දෙයි.
ජාතික රෝහල්වල ඇතැම් ඒකක වසාදැමීමට වත්මන් පාලකයින් කටයුතු කරන ඇති බව ද විශේෂඥ වෛද්ය සංජීව තෙන්නකෝන් මහතා කියාසිටියේය.
ඒ අනුව රාගම විශේෂ ඒකකයේ වකුගඩු අක්මා බද්ධ කිරීමේ ඒකකය වසා දැමීමට තීරණය කර ඇති බවට ඔහුව පෙන්වා දෙයි.
ජාතික රෝහලේ දැඩි සත්කාර ඒකකයේ සිටින රෝගින්ට ප්රතිකාර කරනු ලබන විශේෂඥ වෛද්යවරයාගේ තනතුර ඉවත් කර ඇති බව සඳහන්ය.
එමෙන්ම ළමා රෝහලේ ඇති අතිරේක විශේෂඥ වෛද්ය ඒකකයක් වසා දමා ඇත.
රාගම ළමා රෝහලේ බාහිර රෝගී අංශයේ විශේෂඥ තනතුර ඉවත් කිරීමට කටයුතු කර තිබේ.
තවද වවුනියාවේ රෝහලේ බාහිර රෝගී ඒකකයේ විශේෂඥ ඒකකයක් දේශපාලන මැදිහත්වීම් මත ඉවත් කිරීමට කටයුතු කරන තිබෙන බව විශේෂඥ වෛද්ය සංජීව තෙන්නකෝන් මහතා පෙන්වා දෙයි.
මේ හේතු මත විශේෂඥ වෛද්යවරුන් රට අතහැර යාමේ තත්ත්වයක් ඇති විය හැකි බව ඒ මහතා වැඩිදුරටත් අවධාරණය කළේය.
Saru News
