පශ්චාත් සීමාවාසික වෛද්ය පත්වීම් සඳහා නවක වෛද්යවරුන් අයදුම් කර ඇත්තේ, සෞඛ්ය අමාත්යංශයෙන් සිදුවු තර්ජන හේතුවෙන් බව රජයේ වෛද්ය නිලධාරීන්ගේ සංගමය පවසයි.
එහි ලේකම් වෛද්ය ප්රභාත් සුගතදාස මහතා පවසන්නේ, නවක වෛද්යවරුන් මේ වන විට බියට පත්ව සිටින බවය.
“අපි දැක්කා පශ්චාත් සීමාවාසික පුරප්පාඩු ලේඛනයේ අයදුම් කරන්න සුදුසුකම් ලබලා හිටිය වෛද්යවරුන්ට අනවශ්ය බලපෑම් කරලා, අනවශ්ය තර්ජන කරලා, ඔවුන්ව රාජ්ය සේවයෙන් අයින් කරනවා කියලා අපි දැක්කා තර්ජනය කිරීම්. අපි දැක්කා ඔවුන්ගේ වැටුප නවත්වනවා කියලා තර්ජනය කිරීම්. අපිට ආරංචි වුණා රෝහල්වල ඔවුන් නැවතිලා ඉන්න නිල නිවාසවලින් එළියට දානවා කියලා ඔවුන්ට බලපෑම්, තර්ජන කරලා තිබුණා. මේ සියලු බලපෑම් හමුවේ නවක වෛද්යවරු ඉතාම අසරණ තත්ත්වයට පත්වෙලා හිටියේ. රැකියාව පිළිබඳ ඔවුන්ට විශාල අස්ථාවරත්වයක් හට ගෙන තිබුණා. ඔවුන්ට බියක් ඇති වෙලා තිබුණා මේ තර්ජන හමුවේ. වෘත්තීකයින් හැමවෙලේම කැමති වෘත්තීමය විදියට ගැටලු විසඳන්න. අපි දැක්කා සෞඛ්ය ඇමති සාකච්ඡා මඟහරිනවා. වෘත්තීකයින් කැමති සාකච්චා මට්ටමින් ප්රශ්න විසඳාගන්න. ඔවුන් කැමති නෑ පාතාලයක මට්ටමින් ප්රශ්න විසඳනවාට. ඒ නිසාම තමා ඔවුන් ඒ පුරප්පාඩු ලේඛනයට ඉල්ලුම් කළේ.”
අනීතික ලෙස ස්ථාන මාරුවීම් සිදුකිරීම ඇතුළු ඉල්ලීම් කිහිපයක් මුල්කර ගනිමින් රජයේ වෛද්ය නිලධාරීන්ගේ සංගමය වැඩවර්ජන ක්රියාමාර්ගවල නිරත වු අතර මෙතෙක් ඊට විසඳුම් නොලැබීම හේතුවෙන් අද (05) උදෑසන සිට ඔවුන් යළිත් සංකේත වැඩවර්ජනයක නිරතවී සිටී.
අද පෙරවරු 8.00සිට දිවයින පුරා පිහිටි සියලු රෝහල්වල මෙම වැඩවර්ජනය ක්රියාත්මක බව රජයේ වෛද්ය නිලධාරීන්ගේ සංගමය සඳහන් කළේය.
රජයේ වෛද්යවරුන් ආරම්භ කර ඇති වැඩවර්ජනය හේතුවෙන් රෝහල්වල රෝගී සත්කාර සේවාවලට බාධා එල්ලවී තිබේ.
වෛද්යවරුන්ගේ වැඩවර්ජනය හේතුවෙන් තමන් මුහුණ දී සිටින අපහසුතාව සම්බන්ධයෙන් රෝහල් වෙත ප්රතිකාර ලබාගැනීමට පැමිණි පිරිස් සිය විරෝධය පළ කළහ.
කෙසේවෙතත් නීත්යානුකූලව වෛද්යවරුන්ගේ ස්ථානමාරු වීම් සිදුකර තිබියදී රජයේ වෛද්ය නිලධාරීන්ගේ සංගමය සිදුකරන මෙම වැඩවර්ජන ක්රියාමාර්ගය පිළිගත නොහැකි බව සෞඛ්ය අමාත්ය වෛද්ය නලින්ද ජයතිස්ස අමාත්යවරයා සඳහන් කළේය.
Saru News
